Popular Bible Verses from YAKOBU 1

Share

Luwuno pepaekompoku, tuduomo kana aasa me'uraa, tewala ntedonta komiu a laro mperupa-rupa po'ara-arahako, hangano imento'orio, nine arahakono pompe'ala-alamiu atuu mompokohina modato aroa.

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

Hei luwuno pepaekompo anu pinehohawaku, impewowoloomo mongkona andio: sompo mia ka imagasi koa moronge, sine ka si ronga mepau, ka si ronga mbo'u tekuda

Ka po'ineeomo modato aroa atuu ka ipohawe wua anu motaha, ka imegagi soompo ka moondo ka nahina makura maupo te'asa hapamo koa.

Sine ka imegagimo anu meleluakono pau ka komba butu anu mporonge mpena; hangano tewala komba kanandio imempopo'oo omiu-miu koroimiu.

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

Hangano tewala asa mia butu rumongeo mpena pau ka nahi peleluakono, onae kana asa mia anu kontongaano mepenteeo rupano anu menteeano a ntami. Da iaopo ikitao koroino, lumakoomo ke ronga ikolupeo ba kana'umpe rupano.

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

Tewala asa mia inara-arahako, si komba ipotae, ”Po'ara-arahako andio hawe inso ndi Ondae Ue Ala!” Hangano Ondae Ue Ala nahi poko'ara-arahako ira anu mosa'o, ka Ondae-Do nahi Dopo'ara-arahako maupo isema. Sine sompo-sompo mia i'ara-arahakono mosisirino onaeno, hangano ipadiio ka ipaanio.

Moikoomo pepaekompo anu mekongko a ntuwu mongkokolaro ka ipo'unde hangano pentoroano anu mantande