Popular Bible Verses from Yesaya 60

Share

Pentademo, gagimo mewine, hangano mewinemu hawe, ka maramba-Do i UE saba ndi omue.

Luwuno tongku mpetonda-tonda me'aiwa a mewinemu, ka luwuno mokole me'aiwa a wanta anu saba ndi omue.

Hangano menteeano, wongi-wongi tumutuwio tolino, ka wongi-wongi tumutuwi ira tongku; sine mewine-Do i UE saba ndi omue, ka maramba-Do gagi mengkaa ndi omue.

Anu lalu kodei ta gagi suku anu langkai, ka anu lalu molema ta gagi tongku anu moroso. Ongkue, UE, Aku ronga weweuo a tempono.

Ndi omue mata'oleo nami gagi mbo'u pompokomewine tempono meene ka wantano wula nami pompowee mbo'u mewine tempono wongi, sine Ondae i UE Ira gagi pompokomewinemu anu nahi bali ka Ondae Ue Alamu Ira gagi marambamu.

Ndi omue ta hina mata'oleo anu nahi hori sumoo ka wula anu nahi hori sumoo, hangano Ondae i UE Ira gagi pokomewinemu anu nahi bali, ka luwuno oleo po'inombomu ta menaa-naa.

I tempo atuu omue kokohali-hali mengkita ka mompesanaa, omue kotekokodoho ka komawongko, hangano mare'ea inso i asatowano tahi ta melimba ndi omue, ka kaeano luwuno tongku ta melimba ndi omue.

Pengkitamo raane ka kitaomo limbu-limbu, luwudo me'aiwa ntepumpu ndi omue; luwuno ana ntamamu me'aiwa ira inso a olaiano, ka luwuno anamu beine mebinaba.

Palilimu luwuno mia mentee, ondae mpe'ueo wita ranta nahina tampulaano; ondae onaemo tumba anu Kupotuwuo Ongkue-Ku mopokitao maramba-Ku.

Nahi ta hina mbo'u lele mongkona pobobarasaia i witamu, mongkona matea ke tekale-kalea i witamu. Omue kopauo rere watumu ”Tekadudui” ka luwuno pewowa langkaimu ”Po'unde.”

Luwuno pewowa langkaimu ta te'ungkahi mpiha, moiko meene maupo wongi nahi ta tetondo, ka domewawao kaeado luwuno tongku ndi omue, luwuno mokoledo mbo'u winawa mperonga.

Hadio ntu'u unta ta buketio witamu, unta memongura inso i Midia ka Epa. Luwudo ira me'aiwa inso i Sieba, mpowawa wulaa ka dupa, saru mempaleleo tepalele-Do i UE.

Rere watumu ira mewanguo mia mehawe, ka luwuno mokoledo ira mpekakaakomu; hangano a laro ntekuda-Ku Kuhukukomo, sine a laro bobotolino aroa-Ku Kupehohawako.

Gagi euno teweweumu i ndi'ipua, tempono ka ubininta, ino'aliaako, ka nahina telalo maupo te'asa mia, kanandio-andio Aku weweuko gagi po'undea nahina balino, gagi mawongkoako mapa'api-api inule.

Omue ko'umosoo susudo luwuno tongku ka uminuo susudo luwuno poparentaa ka kotumo'orio, nine Ongkue, UE, Puu Pongkaduduimu, ka Puu Pontolosimu, Anu Tedoa Moroso, Ue Alano i Yako.