Popular Bible Verses from Yesaya 6

Share

Ka ku'amba rumongeo suara-Do i Ue mepau, ”Isemake anu Aku tumenao, ka isemake anu behe lumakoa Kita?” Sangkiku, ”Ndio aku, Itena akumo!”

Ondae mpebooli mpesangki-sangki, ”Mempori, mempori, mempori Iramo UEno luwuakoano, asa wawontolino buke maramba-Do!”

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, UEno luwuakoano.”

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.

Itengkuakono a ngangaku saru motae, ”Kitao, wiwimu itengkuomo waro andio, onaemo pu'uno salamu tinadiomo ka halamu pinokotampulaomo.”

Luwuno Serapimi mpentade i hori-Do, singge mia hinao onoo panino, orua pani anu tumutuwio rupado, orua pani anu tumutuwio karudo ka orua pani peneedo.

Ka i'amba asa i olodo Serapimi atuu menee te'aro ndi ongkue; a ngkaeno hinao waro anu i'alaakono sipi inso a wawo meda pontunua pesomba.

Ka Do'amba mepau, ”Lakomo, ka pauako iramo tongku andio: Imperorongeakono ntu'u, sine nahi komiu mento'orio! Imengkitaomo tementee ntu'u, sine nahi komiu mempokonto'orio!

Iweweuomo aroano tongku andio motea ka birido mobea moronge ka matado metako tepusu, kasi domengkitaakono matado ka merongeakono birido ka mpokonto'oriakono aroado, ka do'amba mpepokule ka gagi tompa.”