Popular Bible Verses from Yesaya 58

Share

Ondae i UE Ira tumaateko mpiha ka mokosompoo kirenemu a wita anu morungku, ka mokowo'ohuo rosomu. Omue ta kana lere anu inuwoi moiko ka kana mata uwoi anu nahi hori mompatambo.

Naahi! Mepuasa anu inehe-Ku onaemo ka ulolohi ira pompongu lambaha ka motola ira kolorono tinembi, ka upokomaradeka ira anu ntebobarasai ka puduo sompo tinembi, ka usiba-sibao rotimu tiado mia anu mokoninggo ka wawao a rahamu mia mongkokolaro anu nahina rahano, ka tewala mongkitako mia kolambe-lambe, ka upoweeakono sangka ka si pewuniako ira pepaekompomu omuemu!

I tempomo atuu mewinemu ta mewanta kana towea ka mobelamu ta ronga tompa; menteea gagi baresi i aromu ka maramba-Do i UE baresi i bungkumu.

I tempomo atuu omue komebooli ka Ondae i UE Ira sumangki, omue komebooli mepetulungi ka Ira mepau: Ndio Aku! Tewala nami upokonaako ira tinembi a mpe'asa miamu ka nami utitiso ira mia ka mompau pegaupi

tewala omue mompeweengako a mia mokoninggo kaangamu omuemu ka mokosompoo kineredo mia anu tepokonsii asalakono mewinemu ta mesabaako a laro wongi-wongi ka wongi-wongi ta kana mewineno ntonga oleo.

Terawo-rawo anu tehineomo ntu'u kowali wanguo ka pundasi anu ninaado hadio inule kowali mokomoikoo. Omue kopinau ”anu mokomoikoo rere watu anu telompa”, ”anu mokomoikoo sala ka luwuno pinokompo'ianga”.

Tewala nahi upelempa a oleo Saba ka nahi upo'angga a oleo mempori-Ku; tewala upauo oleo Saba ”oleo pesana-sanaa,” ka oleo-Do i UE ”oleo anu pinelangkai”; tewala upelangkaio ka nahi uweweuo luwuno anggaamu ka nahi uweweuo orusuamu ke mompopau kineremu, asalakono komesana-sanaa hangano Ondae i UE, ka Aku weweuko telalo a luwuno punsuno pongku i tolino Aku moweeko kaanga inso a ntia pusakano i Yako, uempu'umu, hangano nganga-Domo i UE anu pauo.

Menteeano, omiu mempuasa kontongaamiu mpegaga ka mpe'u'ua saru mpetitidu. Tewala kanandio imempuasa suaramiu nahi ta rinonge a mpo'ianga mantande. Kanandioke puasa anu inehe-Ku: oleo tiado mia mpobobarasai koroido, ka metuundu kana gelaga ka mowile sawu kampili ka awu gagi pe'empehi moturi? Onaemoke atuu anu pinaumu puasa, oleo pompehohawa-Do i UE?