Popular Bible Verses from Yesaya 43

Share

Kitao, Aku weweuo asa anu wo'ohu, anu kanandio-andio tuwuomo, naapoke imento'orio? Oo, Akumo moweweu sala i pada one ka hadio korono a mpada malua.

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

”Siimo imerorambeo mongkona luwuno anu i ndi'ipua, siimo impekokoongakono mongkona luwuno anu inso a tempo se'eluno!

Sine kanandio-andio, kanandiomo pau-Do i UE anu mokogagiko, hei Yako, anu weweuko, hei Isaraeli, ”Siimo doito, hangano Kutolosikomo, Kupoboikomo a neemu, omue onaemo mia-Ku.

Hangano omue mentudu ka maramba a pongkita-Ku ka Kupehohawako, onaemo ka Kupeweengakono mia gagi eumu, ka luwuno tongku gagi euno penaamu.

Hangano Ongkuemo UE, Ue Alamu, Anu Tedoa Mempori, Ue Alado to Isaraeli, Puu Pongkaduduimu. Kupeweengakono Masiri gagi tolosimu, ka Etiopia saru Sieba gagi eumu.

Siimo doito, hangano Ongkue kumongkomiko, Aku moweeakomu ana'uemu inso i sabaano oleo, ka pumpuko inso i sumooano oleo.

Ongkue, Ongkuemo Onae anu umoninio pe'ewamu hangano Ongkue-Ku, ka nahi Kupewowoloo halamu.

”Omiumo sakosii-Ku,” kanandiomo pau-Do i UE, ”ka tetenaa-Ku anu Kubinikiomo, ka imento'orio ka mpompe'ala-ala ndi Ongkue ka mpokonto'orio nine Ongkuemo Ondae. Se'eluno Ongkue nahina pinesombai wineweu, ka umarino Ongkue nahina mbo'u.

Ongkue, Ongkuemo UE ka nahina puu pongkadudui sangkadio Ongkue.

Ka a mpotilalono Ongkuemo Onae, ka nahina anu mokompotolao inso a ngkae-Ku; Ongkue weweuo, isemake anu moko'ontoo?”

Kondehora mo'ila ira mpelangkai Aku, serigala ka manu-manu unta, hangano Ongkue weweuo uwoi mesumpiri i pada one ka hadio korono a mpada malua, mopo'inu ira bawaa bininiki-Ku; bawaa anu Kuweweuo tia-Ku ira mempaleleo telele-Ku.”

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino, luwuno mia anu pinau mompake nee-Ku anu Kupokogagio tiano maramba-Ku, anu Kuweweuo ka Kupokogagio mbo'u!”

Kanandiomo pau-Do i UE, anu moweweu sala telalo a ntahi ka telaloa molalo uwoi anu mongkokodoito, anu tumenaomo kareta ka ngara ka ipeluarako meteaa, saru mbo'u sorodadu anu moroso ka mosia; ondae ntepombole, nahi dompokompentade mbo'u, ondae memate, pinepate kana sumbu

Ongkuemo UE, Anu Tedoa Mempori, Mokolemiu anu mokogagio Isaraeli.”