Popular Bible Verses from Tegagia 50

Share

Lano mposongka komiumo anu mosa'o ndi ongkue, sine Ondae Ue Ala mosongka Iramo moikoa, mokomengkaao hapa anu gagi kanandio-andio, onaemo mekariao tuwuno mia hadio.

Sine, motae i Yusupu ndi ondae, ”Siimo imedoito, hangano ongkue andioke Ue Ala?

Gagi siimo imedoito, aku mekariakomiu ka luwuno anamiu mbo'u.” Kanandiomo itareroako ira pauno ka mokorodoo aroado.

Kanandiomo asalakono imempauakono i Yusupu: Po'ineeomo i'ampunio sala ka halado pepaekompomu, hangano mpoweweu iramo anu mosa'o ndi omiu. Kanandio-andio, po'ineeomo ka i'ampunio sala anu wineweudo tetenaa-Do Ue Alado amamiu.” Ka i'amba mengeseomo i Yusupu mansano rumongeo dompepau kanandio ndi onae.

I Yusupu motaeako ira pepaekompono, ”Nahi tehine mbo'u akumo mate. Sine Ondae Ue Ala manasa Ira mekakaakomiu ka wawa komiu mpeluarako inso i wita andio a wita anu Dodandiakonomo sumpa ndi Burahima, ndi Saki ka ndi Yako.”

Ka i'amba i Yusupu tumena ira anano i Isaraeli mpesumpa, ipotae, ”Ondae Ue Ala manasa Ira mekakaakomiu. I tempo atuu asalakono imewawao luwuno wukuku inso i ndi'ai.”

Ka i'amba i Yusupu mate a ntinuwu asa etu ka hopulu nta'u. Wata ngkoroino rinampa-rampa ka simoboo, ka ninaa a laro bangkano mia mate i Masiri.