Onaemo kai burio i Modekai anu gagi atuu, ka i'amba umoliwiako ira wunta a luwuno to Yahudi a luwuno witado mokole Ahasiwero, moiko anu umpeda, ke olai, anu mopoto'oriako ira, asalakono kai sompo-sompo ta'u merame-rameo oleo kohopulu ka opaa ka anu kohopulu ka olima wula Adari, hangano a oleomo atuu to Yahudi mpohawe rodoa inso a iwalido ka a wulamo atuu masusaa gagi po'undea ka oleo po'inombo gagi mawongkoa, ka dompokogagio luwuno oleo atuu oleo pelimbua, mawongkoa ka oleo singe monteo kaanga ka mompowee a mia mongkokolaro.