Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori, ka tedoa langkai pabawa-Do ndi ontae anu mpompe'ala-ala, menunu saru rosono pabawa-Do, anu inangga-Do ndi Ondae i Kerisituu saru wangu Ira inso i olodo mia mate ka montoro Ira i koana-Do i suruga, olai lalu mantande inso a luwuno anu mpeparenta ka anu mempabawa ka pabawa ka poparentaa ka sompo nee anu pinokopau, komba butu i wawontolino andio, tendeano i wawontolino koa mbo'u anu ta hawe.