Popular Bible Verses from 2 PETURU 1

Share

Hangano pabawa-Do Ue Ala moweeakitamo luwuakoano anu mentudu tiano tuwu anu moleo hangano ponto'orito mongkona Ondae, anu moboi kitamo hangano pabawa-Do anu maramba ka kinohali-haliako. Mesala kanatuu Doweeakitamo luwuno dandi anu masuli olino ka anu tedoa langkai, ka ihangano onae moiko impo'ala tia a pabawa-Do i Ue, ka mentola inso a mpo'eheno aroa ntolino anu sumolangio wawontolino.

Onaemo pu'uno asalakono tementee ntu'u impe'usaha ka imentiangio poweweu moiko a pompe'ala-alamiu, ka ponto'ori a mpoweweu moiko, ka pompetea po'eheno koroi a ponto'ori, mokua a pompetea po'eheno koroi, ka moleoa a mokua, ka a moleoa pompehohawa a luwuno pepaekompo, ka a pompehohawa a luwuno pepaekompo pompehohawa a luwuno mia.

Hangano tewala luwuno atuu hinao ndi omiu ka ikoteti-tetiangi, ta weweu komiu gagi memokua ka mehasili a ponto'orimiu Ondae i Yesu Kerisituu, Ueto.

Onaemo pu'uno, pepaekompoku luwu-luwu, impe'usahamo ntu'u, ka ikomoro-morosono poboimiu ka tebinikimiu. Hangano tewala imeweweuo, nahi komiu hori ntetidu.