Popular Bible Verses from 2 Mokole 4

Share

Sumangki i Elisa ndi onae, ”Hapa anu aku mokoweweuakomu? Pauakunemo hapamo koa anu hinao i rahamu.” Motae beine atuu, ”Atamiu andio nahina hapa-hapano i raha, sangkadio asa pido kodei me'ihi lana.”

Asa mia inso i olono beinedo bawaado nabi mebooli ndi Elisa, ”Atamiu, tamaku, mateomo ka ito'orio nine atamiu atuu doitoako Ira i UE. Sine, puu mposinga pasua haweomo ta umalao orua ira anaku gagi atano.”

Ka i'amba motae i Elisa, ”Lakomo, saru iramo bolusa inso i a raha susua, inso a pehori rahamu, bolusa anu mooa, sine si komba butu tedei.

Umarino atuu pewinsomo saru luwuno anamu, tondoomo pewowa anu i bungkumu. Tawaomo lana a laro luwuno bolusa atuu ka tandeomo bolusa anu bukeomo!”

Mansano luwuno bolusa atuu bukeomo, motaeomo beine atuu ndi anano, ”Wawaakunemo mbo'u te'asa bolusa.” Sine sumangki ndi ineno, ”Nami hina mbo'u bolusa.” Ka i'amba lana mbo'u atuu menaa-naa waa.

Ka i'amba beine atuu lumako pauakono tetenaa-Do Ue Ala. Ipotae tetenaa-Do Ue Ala andio, ”Lakomo, asaomo lana atuu, owahiomo pasuamu. Omue saru luwuno anamu komiu mpokomentuwu inso a ntoreano.”

Beine atuu lumako inso ndi onae. Itondoomo pewowa umarino onae ka luwuno anano mpewinso. Luwuno anano mewawa ira bolusa umpeda ndi onae, kontongaano montawa mpiha. Mpowawa bolusa umpeda ndi onae.

Ka i'amba mewuatako mepombole i wawono nana'ote atuu ka ipodampio ngangano a ngangano nana'ote atuu, matano i wawono matano nana'ote atuu ka pele ngkaeno i wawono pele ngkaeno nana'ote atuu. Tempono ipebangkuako i wawono nana'ote atuu, koroino nana'ote atuu mokula-kulaomo.