Popular Bible Verses from 2 Tawarika 20

Share

ka ipebooli, ”Impenootio, oo luwuno to Yehuda ka palilino Yerusale ka omiu ueku mokole Yosapa, kanandio pau-Do i UE ndi omiu: Siimo imedoito ka ntededengke a nsorodadu anu asa bawaa langkai andio, hangano komba ta omiu anu metea tendeano Ondae Ue Ala.

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i UE moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i UE Ira kumongkomi komiu.”

Oo Ue Alamami, nde nahi Komiu humuku ira ke? Hangano nahina rosomami umaropio sorodadu anu asa bawaa langkai andio, anu aiwa sumapoi kami. Nahi kimento'orio hapa anu asalakono kami meweweuo, sine mata-Miu tetutu ndi omami.”

Mansano umari teriso saru palili, itiso ira mia anu ira mpenaniako penani tia-Do i UE ka umunde-unde Ira i UE, mpesangka mempori anu maramba i tempono dompeluarako i arodo mia mpeparewa mpetea, ka dompotae, ”Penaniakomo penani umunde-unde Ira i UE, menteeano ranta nahina tampulaano petenunu ka pompehohawa-Do!”

Mansado mpopu'u mpebo-booli ka mpenaniako penani po'unde-unde, Doweweuomo i UE pesapoia a inuleno Amoni ka i Moabi, ka luwuno mia inso i mentorukuno Seiri, anu mingki sumapoio Yehuda, ranta ka dontenangi.

I Yosapa gagi doito, ka i'amba putusio umungke Ira i UE. Itena ira luwuno Yehuda ka domempuasa.

Tewala aasa masolaa umalu kami, onaemo ponai, pohuku, haki lele ke mokoninggoa, kami mpentade i arono raha andio, i aro-Miu, hangano nee-Miu mo'ia i larono raha andio. Kami mpebooli ndi Omiu a laro masukaraamami, ranta ka Irongeo ka kumadudui kami.

Tisomo asalakono impetii sumapoi ira. Ondae ira mporake a mporakea Sisi, ka komiu humawe ira i untuno lembono, i arono pada one Yerueli.

Ka Yehuda mpepumpu ka dompo'ema pontulungi inso ndi Ondae i UE. Ondae me'aiwa inso a luwuno kota i Yehuda umungke Ira i UE.