Popular Bible Verses from 1 YOHANE 3

Share

Anaku luwu-luwu, ime'aiwamo tompompehohawa komba saru pau ke elo, sine saru wineweu ka a menteea.

Kanandiomo tomento'orio pompehohawa-Do i Kerisituu, onaemo nine Dopeweengakonomo penaa-Do tiato; gaagi ontae mbo'u asalakono tompeweengakono penaato tiado pepaekompoto.

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

Sompo mia anu pine'anaako inso ndi Ondae Ue Ala, nahi poweweu mbo'u hala; hangano penaa mempori kongko mpiha i larono ka onae nahi pokompoweweu hala, hangano onae pine'anaako inso ndi Ondae Ue Ala.

Ba isema hinao arataa ntolinono ka ikitao pepaekompono marasaiako makuraa sine nahi perioo pepaekompono atuu, kana'umpeke pompehohawa-Do Ue Ala ka ipokompo'ia mpiha a ngkoroino?

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

Hangano ndio lele anu imerongeomo inso a pompu'uano, onaemo nine asalakono ka tomemambe pehohawa

Si mengkohali-hali, pepaekompo luwu-luwu, tewala i'o'aliaakomiu wawontolino.