Popular Bible Verses from Oroma 16

Share

At nenendawi ugun adenggen seyalek dogosogom yiluk, okbininaliga Ala akoen, Sile henavema sovalek dogopwak yiluk, vage sopalogo bayogon. Nenowa Inis Ombok Yesus henabwa en okbugugu dugwit, hinimat dogosogon o.

Naswei-narupwi wa. Hit wene mamulhiruguselok wagagup ako it nin waup enanggon en hekbaluk, avakwa enendawi ogorogo bilin nagwis, it avakwa avyarat umbutugwa ako enendawi avut endenogo bigik nagwis, anderogo okhinivit wagu saoen, henova hwalogo dogovovok yiluk, yukheraliga. It ap andi, hinim dambunggitek henadigat dogones.

It ap anderogo ogarit nelagwi menda ako andi, Nenowa Inis Ombok Keretus eyavup ogarit nelagwidek. Ata, enagaum ake adigat belalit nagu dugwit, “Yerogo ogarusogom o, nderogo ogarusogom o,” yiluk, enane hulugat agil-amok vaga it ap enendawi ugun weyak ogarup embetetek menda ako enendawi nomalivisagwi atma, hinim dambulubuk.

Wene Ala agose o muk mbauk hwilago welagagi yogak sigam agagi ako wane-wane, an Sek Wene Yesus Keretus avok yukheraliga ako wugu hiniselok, henendawi modo okbigigaup Ala ako inis siyabagu dogones. Wene ako o muk mbauk hwilago welagagi ovara, yogak it ap navi-navi Ala en yugirigya hegek dirup watu lagagwa vaga, wene andi ovok sigam agagi. Yi avakwa ndi avakwa ininis unggul adik-adik ovok erogo wene andi enaruk hobaluk enendawi Yesus ovaga vanggabaluk avyarat umbutu dogomundik, des erogo ogarit lagu dogopwak yiluk, At Ala iluk itok agarik akoen “Wene yi, avakwa inilup arupwak o,” yiluk, yagagi. At Yesus Keretus ogagagi vaga At adik endawi werek agarik Ala ako inis mondok-mondok siyalek-at dogopwak o. Amin.