Popular Bible Verses from Oroma 13

Share

Henendawi endak menda en weyak ogarup okhinipu halok, “Nendawi naliga yi, nova hogo yupwak yiluk, nggarogo ogarik?” yiluk, wenggelit nagu dogobuk. Ata, henayegen henaregowa hininggimu agipik hak, Henowa Yesus Keretus henendawima wenggelek dugwit, ogarit lagu dogones.

Avakwa enangge mbalegangge vagago dogobuk. Mbalegangge vagago dogop sek andi, nabwa-habwa dugwit, henendawi hunik oginipu dogop andi aro. Hiren henendawi hunik oginipu hiniselok, Musa wene ako atma nggedo yagaliga.

It Pemerintah agarwik ako, At Ala en “It anderogo dogopwak,” yilipuk en, it anderogo duklipuk. Anderogo atma, it Pemerintah hinim agipik ako andi, Ala en “Hit anderogo dogwes,” yiluk, yugeragagi atma, wene yukhiruguselok, hit ovok erogo des erogo hunggu dogones.

O hup dek agya hegek, o yanggo yigiluk vage ari wagarikmu, o hup vaga dugwit ogasagwi hak ogarit nagwis ako hekbaluk, o awiya vaga ndup ogaruguluk, enayegen-enaregowa ininggimu agarik hak, hit anderogo okbaluk dogones.

It hinim agarwik henendawi hunik ogonivisagwi andi, weyak erogo bisaguluk, ogasagwidek. Anderogo atma, nendawi-hendawi hunik ogarit lendagwi andi vaga Musa wene dirup warek ako atma-at nggedo yagaliga.

Wene yukherelagwi musek, “Wokneranes,” yiluk, yukhiruguselok, wogurugu dogones. Yavup onggo pajak wogeregetek halok, wogorugwi, “Yoparip onggo anderogo bas o,” yiluk, yukhiruguselok, bagwi, “Nenagayuk wutu dogones,” yukhiruguselok, enagayuk wutwis, “Nit henasini atma, nenavema dogones,” yukhiruguselok, enavema dugwit, ogagu dogones.