Popular Bible Verses from Bè-sànkanii 11

Share

Ó o hèɲun níi tonkaro wã́ mí bũaanì, á tãmu cɛ̀rɛ̀ɛ bía pɔ̃́npɔ̃́n ho wáayi: «Wa Ɲúhṹso Dónbeenì làa *Yìa ó o mɔn léra á ho dĩ́míɲá bɛ́ɛnì bìo màhã́ wã́a sã̀ yi binbirì, á le Dónbeenì á à dí le bɛ́ɛnì fɛ́ɛɛ hã lúlúio na ɲii mía yi.»

Ho dĩ́míɲá kãna nùpua sĩa cã̀ foǹ, ɛ̀ɛ ká ũnɛ́n lé yìa sĩi wã́a wee cĩ̀ ɓa yi. Ho pã̀ahṹ dɔ̃n à ũ fĩ̀ le cítíi bìa húrun ɓúenɓúen wán. Ho pã̀ahṹ dɔ̃n à ũ sàání ũ ton-sáwá na lé ũ ɲi-cúa fɛɛrowà, làa bìa bìo sã̀ foǹ yi, bán na wee kɔ̃̀nbi fo, bìa bìo ɲúhṹ wi làa bìa bìo ɲúhṹ mía. Ho pã̀ahṹ dɔ̃n à ũ yáa bìa wee yáa ho dĩ́míɲá nùpua.»

Ɓa nùwã ɲun na wee mì ho tũ̀iá ĩ ɲii á ĩ ì tonka à ɓa ɓueé fɛɛ ĩ ɲi-cúa. Ɓa à zĩ́ hã sĩ̀a na wee zéení le mu yúmú wó ɓa wán á à fɛɛráa ĩ ɲi-cúa mu hã wizooní khĩá-pírú ɲun làa ɓúará-tĩn yi.»

Ká hã wizooní bìo tĩn lè mí canko mu khĩína, á le Dónbeenì kúaa mí sɔ̃nsãmu na wee na le mukãnì ɓa yi á ɓa vèera hĩ́nɔn. Á bìa mu wó yìo yi ɓúenɓúen zã́na làa sòobɛ́ɛ.

Ɓa yú ho pànká á à hèráa ho viohó á ho máa tè, pã̀ahṹ na ɓa wee fɛɛ le Dónbeenì ɲi-cúa yi. Ɓa dà à yèrèmá mu ɲumu á mu ù wé le cãni. Ɓa dà à wé á mu bè-sũmáa lè mí sìíwà wé è sá ho dĩ́míɲá yi túntún ho pã̀ahṹ na sĩ ɓa yi.

Bán nùwã ɲun so lé hã Oliivewa vĩ̀nsĩ̀a bìo ɲun lè hã fĩ̀ntã́-cúaawa bìo ɲun, hĩ̀a bìo bía hàánì. Ɓa dĩ̀n o Ɲúhṹso na wi ho dĩ́míɲá ɓúenɓúen ɲúhṹ wán yahó. Ká a ɓúi le mí ì wé ɓa làa bè-kohó, á ho dɔ̃hṹ ù lé lè ɓa ɲiní lée cĩ̀í ɓa zúkúsa á à ɓúe. Lé kà síi á yìa le mí ì wé ɓa làa bè-kohó á à híráa.