Popular Bible Verses from रोमियों 6

Share

चौंकि पाप की मजदूरी तौ बस मौतई है जबकि हमारे पिरभू ईसू मसीह में कबऊ नांय खतम हैबे बारौ जीबन, परमेस्‍वर का सेंत मेंत कौ वरदान है।

तुम लोगन पै पाप कौ कोई अधिकार नांय रैहबेगौ। चौंकि अब तुम व्‍यबस्था के सहारे नांय जीन्दे पर परमेस्‍वर के किरपा के सहारे जीन्दे हो।

जामारै वाकी मौत में बपतिस्मा लैबे ते हम सबऊ वाके संगई गाड़ दिये गये हते ताकि जैसे परम पिता की महिमामय सामर्थ के द्वारा ईसू मसीह कूं मरे भयेन में ते जीबित करौ गयौ हतो, बैसेई हमऊ एक नयौ जीबन पाबें।

अपने सरीर के अंगन कूं अधर्म की सेबा के काजै पाप के हबाले ना करो, पर मरे भयेन में ते जी उठबे बारेन के समान परमेस्‍वर के हबाले कर दो। और अपने सरीर के अंगन कूं धारमिकता की सेबा के साधन बनबे काजै परमेस्‍वर के हबाले कर दो।

चौंकि हम जि जानते हैं कै हमारौ पुरानौ स्‍वभाब ईसू के संगई क्रूस पै चढ़ा दयौ गयौ हतो ताकि पाप ते भरे हमारे सरीर नांस है जाबें। और हम आगे के काजै पाप के दास न बने रहें।

जाई तरैह ते तुम अपने काजैऊ सोचौ कै, तुम पाप के काजै मर चुकेऔ, पर ईसू मसीह में परमेस्‍वर के काजै जीन्दे हौ।

तौ फिर हम का कहें? का हम पापई करते रैहबें ताकि परमेस्‍वर की किरपा बढ़ती रैहबे? बिलकुल नांय। हम सब जो पाप के काजै मर चुके हैं पाप मेंई कैसे जीन्दे रैहबेंगे?

का तुम नांय जानते कै, जब तुम काऊ की आग्‍या मानबे के काजै अपने आप कूं दास के रूप में बाय सौंपते, तौ तुम बाई के दास बन जातौ? चाहे तुम पाप के दास बनो, जो तुमें मार डारेगौ और चाहे आग्‍याकारिता के, जो तुमें धारमिकता की ओर ले जाबेगी।

पर परमेस्‍वर का धन्यबाद है कै, तुम लोग जो पैहले पाप के दास हते, अब अपने सबरे मन ते बिन उपदेसन की रीति पै चलबे लगे, जो तुमें सौंपे गये हते। तुमें पापन ते छुटकारौ मिल गयौ और तुम धारमिकता के दास बन गए हो।