Popular Bible Verses from रोमियों 13

Share

पर पिरभू ईसू मसीह के सुभाब कूं धारन करौ। और अपनी सांसारिक देह की इच्‍छान कूं पूरौ करबे मेंई मत लगे रहो।

आपसी पिरेम के अलाबा काऊ कौ कर्जा अपने ऊपर मत रख चौंकि जो अपने संगियन ते पिरेम करतै, बू जा तरैह व्‍यबस्था कूंई पूरौ करतै।

हर आदमी कूं अधिकारिन की अधीनता स्‍वीकार करबौ चहिऐं। चौंकि अधिकार परमेस्‍वर की ओर ते है। और जो अधिकारी मौजूद है बू परमेस्‍वर ने ठहरायौ है।

रात लगभग बीत चुकी है, दिन निकरबे बारौ है, जामारै आओ हम बिन कामन ते छुटकारौ पालें जो अँधकार के हैं। आओ हम उजाले के हतियारन कूं ले लो।

पिरेम अपने पड़ोसी कौ बुरौ कबऊ नांय करत। जामारै पिरेम करबौ व्‍यबस्था के नियम कूं पूरौ करबौ है।

जा काऊ कौ तोय देनों है, बाय चुका दे। जो लगान तोय देनों है, बाय दे। जाकी चुंगी तोपै निकरतै, बाय चुंगी दे। जाते तोय डरनों चहिऐं, तू बाते डर। जाकौ आदर करबौ चहिऐं वाकौ आदर कर।