जापै पतरस ने बाते कही, “हे हनन्याह, सैतान कूं तेने अपने मन में जि बात चौं डारन दयी कै, तेने पबित्र आतमा ते झूंठ बोलौ और खेत कूं बेचबे ते जो कछु धन मिलौ हतो बामें ते थोरौ सौ बचाय लियौ? बेचबे ते पैहले का बू खेत तेरौ नाऔ? और अब तेने बेच दयौ है तौ बू धन तेरे अधिकार में नांय? तेने जि बात चौं सोची? तैने आदमिन ते झूंठ नांय बोलौ तेने परमेस्वर ते झूंठ बोलौऐ।”
हनन्याह ने जब जि बात सुनी तौ बू पछाड़ खाके गिर पड़ौ और मर गयौ। तब जा काऊनें जि बात सुनी तौ सबन के ऊपर बड़ौ भय छाय गयौ।