Popular Bible Verses from Chenesis 35

Share

Micha Chitokaka yʋt, Ʋno ak osh Chitokaka Nan isht im aia̱hli im ataha he iksho sia hoke: wayʋt ish apaknashke; oklushi, micha oklushi kanohmi kia chi atoba hi oke, micha mi̱ko puta kʋt chi haknip a̱ a kohcha hi oke. Micha yakni ya̱ Eblaham micha Aisak ima li tok ʋt chishno ak o̱ chima la chi̱ hoke; micha chim isht atiaka et chiakaiya kak o̱ yakni ya̱ ima la hi oke, im achi tok.

Micha wakayʋt Behlel ak o̱ il iashke; mikma yʋmmak o̱ Chitokaka ya̱ yʋmmak osh a sʋlbʋsha nitak ma a̱ haponaklo tok, micha kanima a̱ya li ma sʋbafoyuka tuk a̱ alta im ai ikbi lashke, im achi tok.

Micha Chitokaka yʋt, Chi hohchifo hʋt, Chekob oke; himak pilla ma chi hohchifo ha̱ Chekob acha he keyu, amba Islael chi hohchifa hi oke, im achi tok; micha hohchifo ha̱ Islael, achi tok.

Yohmi ma Chekob ʋt in chuka achʋfa ya̱, micha api̱ha tuk moma ka̱, Naholbʋt toba puta hʋch itin takla a̱sha ka̱ hʋsh kanchashke; micha hʋchi kashofa cha, nafohka inla ishit hʋsh fohkashke.

Atuk o̱ Chitokaka yʋt Chekob a̱, Wakayʋt Behlel a̱ ish ona cha, yʋmmak o̱ ish ʋttashke: micha yʋmmak o̱ chitibapishi Esau itikba ya̱ ish maleli ma: Chitokaka yʋt a chi̱ haiaka tok a̱ alta ya̱ ish im ai ikbashke, im achi tok.

Atuk osh yakohmi tok im ilhfiopak ʋt kohchʋt ia mʋt, (illi tok okʋt,) hohchifo ha̱ Benoni achi tok: yohmi kia i̱ki ʋto Benchamin hochifo tok.