होझ्येरी को़न्क्षोकगी खुङक्याला ङोछागीन दो़छाकगी नाङला भोरती श्या जेपालाक। धेनी खुङक्याई केवे भोमोक्यागीयाः राङश्यीगी चो़पा पारी, भोमोक्यामुलाराङ लोक्येम झ्येवालाक। देरेराङ झ्येरी केवे-फोक्यागीयाः केवे भोमोक्यामुला राङश्यीगी चो़पा पारी, दो़छाकगी मे भारती च्यीकगी च्यीकमुला लोक्येम झ्येवालाक। केवे-फो च्यीकगी केवे-फो श्येम्मामुला ङोछागी लेगा झ्येवालाक धेनी खोराङक्याला ज्योर घो़गीन, खोराङक्याई चो़ङेनगी छेपागो ङ्याङालाक।
धा खुङक्याई को़न्क्षोकला ची घोगीनगो क्षा माश्याक्पा, को़न्क्षोकगी खुङक्याला खोरी साम्लो ॱलेन्दा नाङला, झ्यी ॱमेछोक्कीन लेगाक्या झ्यीदु च्युक जेपालाक।