धेनी पेटोगी ॱनेवालाक, “आनानीया, ख्यो़री सेम धी़कगी आङजाला तेरती, धाम्पे थुक्ङीमुला घीझ्येरी शोक स्येदा? सा चोचाने आले तीते च्यीक ख्यो़रीमुला घीझ्येरी बो़री श्याकआ? होदे सा ॱमाचो घाङला, होदे खेरीराङ लाक धेनी चोरी होदेने होवा आलेगोवाः खीकीराङ लाक। होदेने खेरी थेगीनगो तेरना, ढीक्ये हो़तालाक। घाङगी झ्येरी राङगी सेमला हुरे शोक स्येयेगी साम्लो खोरजो? खेक्याई मीमुला मालाक हीना को़न्क्षोकमुला शोक स्येवालाक।” होदे लाब ङेन्लुङ मेताला, आनानीया साला गेरी धेनी खी़ उप छेपालाक। दे लाब ङेन्गीन घीरी ॱमीच्यीकी जीक्पालाक।