Popular Bible Verses from တမန်တော် 11

Share

သူ့ဟှို တွိဟှူ ခီမာ အန္တိအုတ်ဗြို့ဟှို ခေါ်လာဟှယ်။ သူးနို့ နှေ့ယော့‑က်ဟှာ တနှစ်လောင်းလောင်း သင်းတော်မာ စုဝေးဂေ့ဘီးဟှာ လူလေဟှို သွန်သန်ဟှယ်။ တဗဲ့တော်လေဟှာ ပထမဦးဆောင်း ခရစ်ယာန် ဆိုဘီး ခေါ်ခံရဟှူနေရာဟှာ အန္တိအုတ်ဗြို့မာ ဖြစ်ဟှယ်။

သူဟှာ အယ်ဗြို့ဟှို ရော့‑က်ဟှူ ခီမာ လူလေဟှာ ဘုရားသခင်ရဲ့ ကျေးဇူးတော်ဟှို ဗြင်ရဟှူ ခီမာ ရရာတိုင်း ဝန်းသာဘီးဟှာ သခင်ဘုရားဟှို စိနှလောင်းကြွင်းမဲ့ ယောင်ကြည်ဘီး သစ်စာစောန့်ဂေ့ဟှို့တွပ် တိုက်တွန်းလေဟှယ်။ ဗာနဗဟှာ သူတော်ကောန်းဖြစ်ဘီး သန့်ရှင်းဟှူဝိညာဉ်တော်နရော၊ ယောင်ကြည်ရှင်းနရော ပ္လဲ့ဝနေဟှယ်။ အယ်ကြောန့် လူလေဘောင်ဂီးဟှာ သခင်ဘုရားဖတ်ဟှို ပ္လောန်းလဲလာဂေ့ဟှယ်။

ဘုရားသခင်ဟှာ သခင်ယေရှုခရစ်တော်ဟှို ယောင်ကြည်ဟှူ နို့လေဟှို ပေးဟှူမျိုးဘဲ့ အယ်လူမျိုးခြားလေဟှိုလည်း တူညီဟှူ လတ်ဆောန်ဟှို ပေးဟှယ် ဆိုဇာ ထန်ရှားနေဟှယ်။ အယ်ဆိုဟှာ ငါဟှာ ဖယ်မျိုးလူ ဖြစ်ဟှူကြောန့် ဘုရားသခင်ဟှို တားနိုင်ဟှို့နူး!” ဆိုဘီး ပြောဟှယ်။ အယ်စကားဟှို ကြားရဟှူ ခီမာ အယ်လူလေဟှာ ပြစ်တန်ဂေ့ဟှမ်း။ အယ်ဘီးန ဘုရားသခင်ဟှို ချီးမွမ်းဂေ့ဘီး “အယ်ဆိုဟှာ ဘုရားသခင်ဟှာ သတ်ရှင်ဟှို့တွပ် ပို့ဆောန်ဟှူ နောန်ဒတရားဟှို လူမျိုးခြားလေဟှိုလည်း ပေးတော်မူဘီ။”