Popular Bible Verses from Kisah Para Rasul 2

Share

Ne Petrus a nfalak, “Mtyate mir salar, ma ka radiris a kmi ma myeluk Yesus ninr Ray Silai Ni manglartar, nema Ratu nlure mir salar. Ma keta Ratu nal Smwangtany a nbal ber a kmi.

Sir dalmir kateman ma rdengar safe ma mangsidkwar a ne raftutu. Ma dedesar ma rafburat sir ma rane tnyam faburat ma rsampayang.

Mpe sir rfen ber Ratu Smwangtany, ma ratanuk ror liliry walyetar farlan ma Ratu Smwangtany nal ber sir.

Metryat e, rdengar mnaur uman esan nof langit a nma ma nafen das ma ramin a ne. Ma rsalan au nfolur farlan keryar ma ntompur a na mpane sir. Mpe sir rfen ber Ratu Smwangtany, ma ratanuk ror liliry walyetar farlan ma Ratu Smwangtany nal ber sir.

Lerar monuk e rafburat sir a na Ratu Ni Das Silai ni latyompur; ma rane tnyam faburat rof dasar sa rti dasar sa ror dalmir kateman ma senange. Ma dedesar ma rdangin Ratu, ma tomwatar monuk rmpeang sir. Ma lerar monuk e, tomwatar ma ralele Yesus ne ntafal ma yadin sir, fali Ratu nfair tomwatar nof nir salar ma nose ma sir ma ralele Yesus ne rtafal ma yadin sir.

Ratu nfalak farye, ‘Keta ler famudi e, ktwolar Smwangtangw ber tomwatar monuk, nema angkimir merwanar ma batar bise rafbotin Ningw snyurat. Ma ber tabweri batdare keta ratrufe kabanir. Ma ber makene batmakene keta rmefi kabanir.

Tomwatar monuk ma ralele Yesus ne dedesar ma dalmir lese, ma nir safe kabain monuk raktem a rakolu. Sir rfenri nir kabanir ma rasaman dotyar a ne ber tomwatar rlarat nir perluar mpane.

Na lere tomwatar ma rtak tulung rof Mangnrur Silai keta nfair sir.’

Ma keta to nait ler silai ma Ratu nfatutu Ni kuase fuky e, lere makrokap ma bulan namemeye farlan dare.