Popular Bible Verses from Maruk 10

Share

Aleeh An mo najaalo mee, let mbil abaj emiigeel, bare mimbil ho fannaool áani amiigeel ban nasen buroŋool naŋ bacaam bu gapagen bugan gamemmeeŋ. »

Yéesu nañeeriil, narogiil : « Mꞌbugan júhut kaan, bare nꞌAtúuha waaf waawu peepe újuhe ukaan. »

Ñeer Yéesu narogool : « Ujow. Gáyineni gupagenipagen. » To bújooŋoor, amaañen aahu nabaañ añow, nalagen Yéesu ban ammee nejow.

An jambil ñeer afanjen wan Atúuha ahomen mee. »

Yéesu nañeerool nsúumool. Narogool : « Ŋañoi ekaan waaf wanur : ujow unoomen wan ubaj mee peepe ufaak, nuŋar síkori saasu usen galek mee. Mo aw be ebaj fubaj dó nꞌémit. Ukaan ufaak, nújool ulagenom. »

Nan átiiŋ mee, Yéesu narogool : « Waa nucamene ikaani ? » Narogool : « Aliiga, ukaanom min ibaañ iñow. »

Bare etuhooruul ebiloot ganogoor mee. Dó mꞌbuguul an acamen mee gujogool an háamak, amundum akaan ájagagauul.

Iroguulee : Maregen an ayabut mee Jáyiih Atúuha naŋ aleeh, an aahu mat amus anogen dó. »

Gameeŋe mꞌbugan gammee gútiyaara bu gáani gúsola min gameeŋe nꞌgammee gúsola bu gáani gútiyaara. »

No nꞌfúcihum faafu nan Atúuha átuut mee waaf waawu peepe, átuutuut kum amaañen nꞌakoña. Yo ecil mee amaañen be épur akat paayool nꞌjawool nacin bugo nꞌakoñaool min bugo gammee gúruba gukaan an hanur. Mat góoni ñeer bugan gúruba, bare an hanur.