Popular Bible Verses from Romanos 8

Share

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Nengeliavek na ennengko'o akto have niapak ankek mamma qaselha akmovana hengelieniavkesek hengamelaiam Eniapom Neten, niekhe nengetsepma, nengeliennaktema, ángeles, kasekapo av'alho'ok, aktakha nenvetai'a kolhvave nak, aktakha ta nhan emmanie nak. Mamma akmovana aniem'o neten anak kakpota nhan konne ankek nalhepop anak, mamma qaselha apkelentepkeskama lhta Eniapom Neten, mankollavankek na hengelienievkesek hengamelaiam Eniapom Neten aniem'o Apveske engankok Cristo Jesús.

Mongeliennaktema ennengko'o, mangeliohok na aktemakha akpeivomo nengenmalhnongkoma Eniapom Neten, koka Espíritu Santo hengelpasmak ma'a, apkelmalhnema apmalengioikama Eniapom Neten kakpota hengeltaqmelkese mota m'a, mangeliohok ennengko'o aptakha mota.

¡Ntasek ankek aktemakha qaselha nak ma'a! Apno la nengekha Eniapom Neten, mamma nhan enenlhet apmopvana la hengellammelhek.

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús

Apkellelto nak apkellanekamok qaselha ngkollatsekama, nnek aliaqmongkasakho apkeletsepma, koka apkellelto la apkellanekamok qaselha akleklemelha nak apvalhok Espíritu Santo, nnek akiaqmongkasakho aliennaktema apnenio'ok kakpota nhan altaqmelaikama apvalho'ok.

Koka nengeliephongvakmek ma'a aniem'o hengelpasmoma Eniapom Neten apto nhan hengamelaiam.

Niekhe nellengaiangko ketsek akientalhnema kolhvave nak, mangkolhnok avanhek hato ka m'a aktaqmanma angelloka m'a.

Mamma qaselha akmovana hengiengiavkesek nengasekhai'o Cristo, niekhe nellengaiangko akientalhnema, niekhe akmaska, nema henmenlhenaikama, mek, metka netsekama, qaselha nengai'a, neletsepma aniem'o pelettav akvenaktema, mamma qaselha nak ma'a akmovana hengiengievkesek nengasekhai'o Cristo.

Apiavek koka Eniapom Neten alketansema engelvalho'ok, apiavek na apto apkenmalhnekama Espíritu Santo ngkanek apkenmalhnema mota apmahai'akha la etnek Eniapom Neten apkellelto la apkelpokkanma m'a.

Aplhamakho apkellelto la apkenmaikama Espíritu apankok Eniapom Neten, koka apkelvesai'a Eniapom Neten apketkak ma'a.

Apkellelto nak anmaikama aliaspongkomakha apkelvalho'ok, vanlha mota atlheianma apvalho'ok ellanangkok qaselha ngkolatsekama. Koka apkellelto nak apkenmaikama Espíritu Santo, vanlha mota atlheianma apvalho'ok ellanangkok apkeltemelha la ellanangkok ma'a.

Apkeltave lhta Eniapom Neten eniangkok apketka kakpota enietsepok hengeliaqmoiekha ennengko'o, have niapak anke hengellangkok hata nhan alaimommalhkelha la qaselha ennengko'o.

Ka Espíritu nak apaqmetkesangkek engelvalho'ok engankave, have niapak ankek ennengko'o nak nengelelto Eniapom Neten apketkak, angetlhevangkok hata lhemek Cristo aptemakha lhta apeneskamo apaivoma Eniapom Neten. Nengelelto la angetlhevangkok hata altakmanma m'a, nnavek na Cristo m'a elhkak hata, nkaimelhkek koka sekhek angenmangkok takha akvo'o la akientalhnema nak ma'a, aptemo lhta nhan Cristo.

Apkellelto nak apkelieplavkeskama aliaspongkomakha nak apvalho'ok, koka apkelvesai'a apkellammelhma Eniapom Neten, mankonmak'ak na eleliehekhok ley apankok ma'a, mankollapvanka'ak nahan, mankonmak'ak na ellekkaskesama apvalhok Eniapom Neten.

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

Ampai'o lhnak tep nak nanek allengaiangko qaselha nema alentepkeskama nak, akvakmo nenvanlha nak allengaiangko, allapenteikamok malha ngkelvana akmahai'a nak nkotengkesek atka'.