Popular Bible Verses from Romanos 14

Share

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo. Enenlhet apto la apkelanai'a lhamakho qaselha nak koka apto apiamolhma apkasennaikama Eniapom Neten, nlekavek apvalhok ma'a, enmankok na takha enenlhet'avok ma'a.

Nentaikamok la enhalhnanko'ok anak mokhom ma'a, ankok ma'a nengai'o Apveske. Neletsepo la nhan, ankok na m'a nengai'o Apveske. Nentangko la enhalhnankok mokhom, nlho ka la neletsepo la'a, koka apto Apveske apanko'ok ennengko'o m'a.

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

Ka ngkanek mongetlhenama apkelvesai'a emo'ok, ntasek na montenkesek emmo'ok, monnaqtevaksek na m'a kakpota mankovhek apkelvatesaikamok meliaskeiam ma'a.

Ka aktemo nak aktalhesammalhka Vakkahak Eniapom Neten apaivoma hengke'e: «Lhna aptemak Apveske: Elteklhengkok hata aptapno'ok nehaqtek ko'o aplhamakho enenlhet'avok lhmankek ham, eliavenkaskesama ta nhan apvesai'a Eniapom Neten, have niapak ankek astakha nak alheianma», lhna aptemak. Hai, nenlhamakho ta ennengko'o angetlhenek nentaiangkolha engankave napaqtek Eniapom Neten ma'a.

Enmamok hata takha engelialheng'a mankoliennaktema nak meliaskeiam mokhom, mellatemmongap apanko ie' aklhamakho aktemakha aptangkolha la'a.

Mankoietok eliemetkasama ketlhengkap nkotno apkenmakmesaikama, koka apveske apanko'ok anak ma'a apvankek etlhenek ngkolatsekama apkenmakmekama nlho ka la aktaqmanma. Koka ntasek hata ngkotnek apkenmakmekama m'a aniem'o apasmoma Apveske.