Popular Bible Verses from Hechos 16

Share

Ka apkellatemmoiangka lhna lhta ma'a Pablo kakpota nhan Silas, lhna lhta aptaiangkok: —Mei'askem koka lheiap apveske Jesús kakpota evongkasakpok tep, ka nhan apketkak apnemolhema —lhna lhta aptaiangkok ma'a.

Neplhet pelhasep na lhta aptemak ma'a, apkelelmalhneiangko lhna lhta Eniapom Neten kakpota nhan apkennekmaseiangko himnos Eniapom Neten Pablo kakpota nhan Silas, ka apkellengai'o lhnak na apkeltemo lheme apkellaqlhengkasemmap ma'a. Mpelapkeskankek na lhta akvai'a akiavai'a akievhekama lhepop ma'a akvakmo alaktelhko lhna lhta ntemak avhok pa'at anmaikamok ma'a. Kolhvavek ankek na lhta nhan nkenmaihekhak lhamakho atno'ok ma'a, al·hatsosammalhko lhna lhta nha nke knonemaie cadena apmanko'ok aplhamakho apnaktemommap ma'a.

Ka apkelentepkeskamo lhna lhta iokhalhma apkelaklhengkasemmap ma'a, apkelelmalhneiangka lhna lhta nhan, lhna lhta aptemak ma'a: —¿Ko la atnek ko'o avongkasalhkak tep, he? —lhna lhta aptemak.

Ka aplhatekhai'o lhna lhta apkelanekama atong apvetai'o anmaihekha lhamakho atno'ok ma'a, aklheianmo lhna lhta apvalhok apkeniaikamok apnaktemommap ma'a, ka apmamo lhna lhta pelettav akvenaktema apankok kakpota elieplhakpok apankek ma'a. Ka apvetai'o lhna lhta Pablo m'a, menieskamo lhna lhta apveneiangka m'a, lhna lhta aptemak apkanemo m'a: —¡Have, meniaqhakpo apanke lheiap, nengakhangkek ennengko'o nenlhamakho hengke'e! —lhna lhta aptemak.