Popular Bible Verses from 2 Corintios 5

Share

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Mongapvankek angvetak ma'a, koka mongeliaskeiam anak hengellangkek neliennaktema kakpota angelloka mota

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten. Apkapaskangkek Eniapom Neten Cristo kakpota etnek apkellasekhaskesekho aplhamakho enenlhet'avok ma'a, etneskesama nhan apankek apkeliekai'a meleltemakha etnangkok ma'a. Hengellapaskama nhan ennengko'o kakpota angelleltennaksek ania'a nak.

Hai, ennengko'o hengellapaskama Cristo kakpota angelleltennaksek ania'a ketlhengkap, malha la nhan Eniapom Neten apkellasnekama napaqtavek ketlhengkap. Akieplomo apvesai'a nak Cristo nellasnema ketlhengkap neleltemo ellasekhekhok mokhom, eleliehekhok nahan Eniapom Neten.

Apketsepme lhta Cristo apkeliaqmoiekha aplhamakho enenlhet'avok, kolhva apkellava nak mokhom nenvanlha nak ntasek metenia nkek allekkasekama la apvalho'ok apanko'ok apankave, koka ellekkeskasama apvalhok ma'a apto lhta apketsepma, aplhatekhangveiakmo lhta nhan kakpota eltaqmelkeskesek apkellangiemhaikama aplhamakho enenlhet. Lhennenga lhta nhan ennengko'o nketlheianmek engelvalho'ok malha aktonak enenlhet apkeliaskeiam anak Cristo, kolhva koka nenvanlha nak mmaskek ma'a, kolhva koka nketlhenkek engelvalho'ok apkeltemakha la antangkok Eniapom Neten.

Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.