Popular Bible Verses from 1 Corintios 15

Share

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

Koka gracias Eniapom Neten hengellaiangko nenmopvanka'a kakpota angeliephongvomhok ennengko'o m'a, aniem'o nhan Apveske engankok Jesucristo.

Mellanko nkek eliennengkesek ketlhengkap ma'a enenlhet'avok anak meliamolhma, meltamankek apketlhelhma'ak ngkanek ellekhok meliamolhma m'a.

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

Ka nengetsepma nak mankavankek mokhom hentemeskasenta koneng, mamma nha ntakhak heva ankok kakpota hengelieplha niekhe mokhom ma'a». Nengetsepma nak hengaqhaie akieplomo akmaikama malha heva nkok akvesai'a ngkollatsekama, koka ley anak akto akvetaskeskama apkelanai'a la meihamolhma enenlhet.

Kolhva smak'ak aleltennaksek na Qaselha akielhammalhka nak nkovak hata hengke'e, have ta aplhamakho apkeletsepma enenlhet, koka nkoliaqmokhak hato ka mo'ok apkeliokha aplhamakho. Pelapkeskama nke ta nkotnek akvai'a aknem anak ma'a, melvetankek hata nhan ma'a. Nkopaiok hata nhan trompeta, enaklhatekhangvomok hata apkeletsepma nak kakpota elloka m'a mangkotnengvaiam annelha, kanhan ennengko'o neliokha nak nkoiaqmokhak hata mo'ok.

Akvai'o lhnak nanek na nengetsepma nak aniem'o lhema enenlhet, akvai'o nhan nennaklhatekhangveiam anak neksa nengetsepma aniem'o nhan lhema enenlhet. Adan nkeniemai'ak nengetsepma nak, Cristo koka nhan nkeniemai'ak ma'a akiennaktema enneniek nenlhamakho.

Nkaimelhkek neniokha nak akmovana nak nkokpelkalhka' nkoiaqmokhak mo'ok metka aktepelkammalhka. Neniokha nak atsepma mota, nkoiaqmokhak hata nhan mo'ok neniokha mankomovana nkotsepok. Hata akiaqmokho ta mo'ok neniokha nak mankokpelkalhkek hata kanhan mankotsepek, angelvetak hata aklheianmo lhnak nanek Eniapom Neten apaivoma, lhnak nane ntemak: «Aptevaskek nengetsepma nak apto apiephongveiakmo.

Hai, etnek hata apveske Cristo akvakho apkelteiammakho koneng apmankok allelto alammelhaikama la m'a, alhaie ka nkek hato ka etvaksek alammelhmakha akvesai'a nak nengetsepma.