Popular Bible Verses from 1 Corintios 1

Share

Hai, apkeliekieskek Eniapom Neten enenlhet apketlhenammap la metka apkeliamo kakpota etneskasokhak koneng ma'a nema nak apkeliamo. Apkeliekieskek enenlhet apketlhenammap la metka apiempeiok kakpota etneskasokhak koneng ma'a enenlhet aliennaktema la apiempeiok.

Ka ania'a nak aplhenammap apketsepma Cristo neten iamet aktenneskama, nietnek akmovana aniem'o Eniapom Neten apieseksek apkellelto ta apkelvonkasemmap tep, koka apkellanengkek aktaikama nkek ma'a apkellelto ta apkenmaikamok akieto nenmaskengvaianlha.

Niekhe moklhem'a enenlhet atlhenaikama apvalho'ok taikama nkek ania'a nak, koka akto neten ankek nema akiamo m'a, mamma enenlhet etnek ma'a aptemakha nak Eniapom Neten apkelanai'a. Niekhe moklhem'a enenlhet atlheianma apvalho'ok nkoiennaktema apiempek Eniapom Neten, koka have m'a, apiennaktema apankek ma'a, mamma enenlhet elhohok ma'a.

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

¡Aqhemo m'a apkeliangveiakmo nema nak apkeliangveiakmo, escribas, kanhan apkenmopvanka'a apkelpaqmeiasma etlhenek qaselha nenvanlha nak! Eniapom Neten koka aptemeskesakhak aktaikama nkek ma'a apkeliangveiakmo nak.