Popular Bible Verses from Ɔrɔmutɔnŋ kiri 7

Share

Yi baraka bi Kirinŋ tɛ, ninwɔ̀ i yibɛɛ mwu-a yi Ŋuntiŋ Yesu Kirisa baraka ra. Niŋ ɲaan ki tɛ, míŋ ciiru ɲakili ki ra, míŋ i Kirinŋ wɔ sariya ki wɔ joŋ i, nka míŋ konanminibi firi ki i míŋ ji-a bijɛ ki wɔ joŋ i.

Míŋ ǹʼtɔ-i ńʼtu finŋ shɔɔrinŋ míŋ ciiru kì. Niŋ kɔri ki i tu, ŋì i míŋ tu konanmini gbansanŋ i, finŋ shɔɔrinŋ míŋ ciiru kì. Sabu bi shɔɔrinŋ ma tɔ ki i míŋ nu, nka míŋ so-a kì.

Míŋ i ǹʼtɛ ŋí i bi shɔɔrinŋ wɔ̀ ma, míŋ niŋ ma-a kì, nka míŋ ǹʼtɛ ŋí i bi kulinŋ wɔ̀ ma kì, míŋ i ninki ma-a.

Bi wɔ̀ di míŋ tɛ kì, a míŋ ji ninki ma-a, niŋ i ǹʼbi-a tu míŋ mabi niŋ bi ki i kili kì, nka niŋ i bijɛ ki mabi i, ninwɔ̀ i míŋ ciiru tɔnŋ ki ra.

Míŋ sariya wɔ̀ ja-a ńʼciiru niŋ i kaa : Míŋ i ǹʼtɛ ŋí i bi shɔɔrinŋ ma, nka bi kulinŋ ki ma ki so ki bantenŋ i míŋ gbɛ. Kirinŋ wɔ sariya ki i míŋ tɔnnabi i, ǹʼdi-i míŋ tɛ haali.

Bi wɔ̀ bikwɔ-i míŋ sun, a míŋ ji ninki ma-a, niŋ i ǹʼji-a tu míŋ ńʼtu ǹʼna tu sariya ki shɔ.