Popular Bible Verses from Ɔrɔmutɔnŋ kiri 10

Share

A miŋ ǹʼbi nʼtɔnŋ ki ra tu, Yesu Ŋuntiŋ ki i, ŋi i bili ǹʼna nʼciiru ki ru tu Kirinŋ ntiŋ ŋmɛni po san konkwuu kiri kanfɛ, miŋ a nʼmwu.

Sabu, a konwɔtiŋ bilinabi ki ma a ciiru ki bataa wu, ŋi i ji-a koŋ telimaan a Kirinŋ ɲaanfɛ, ŋi i ǹʼpo nʼtɔnŋ ki ra, ninki i miŋ mwu-a.

Niŋ ɲaan ki tɛ, wulu lamamaan ki i na-a bilinabi ki wu, nwɔ̀ i rama-a niŋ i po-a Kirisa wulu ki ru.

Sabu Kirinŋ wɔ wulu sɛbɛ kiri i ǹʼbi-a tu : « Koŋ finŋ woo finŋ bili Ŋuntiŋ ki ra, nintiŋ a ɲaankwun kì. » Yawutu bo shiya tɔri sun, koŋ san koŋ nu kì, Ŋuntiŋ tenŋ pe i kí bataa ŋununu, ninwɔ̀ i shɔɔrinŋ mwɔɔnna ma-a a tɔ dɔritɔnŋ kiri bataa tɛ. Sabu ǹʼsɛbɛ-i tu : « Koŋ finŋ woo finŋ Ŋuntiŋ ki tɔ ki dɔri, nintiŋ a mwu. »

Koŋ a so ǹʼsunjo-i dɔɔkunŋ, a ntiŋ cin kì. Miŋ tu ǹʼsɛbɛ-i Kirinŋ wɔ wulu ki ru tu : « Nwɔ̀ri i na-a Kirinŋ wɔ Wulujii ki wu, nini naka ki shɔ-i. »

Kí a so ǹʼtɔ ki dɔri-i dɔɔkunŋ, a kí ji bili ǹʼna kì? Kí a so bili-i ǹʼna dɔɔkunŋ, a kí ǹʼwulu lama kì? Kí a ǹʼwulu lama dɔɔkunŋ, a koŋ ǹʼsunjo kí tɛ kì?

Sariya ki i rakɔ-a Kirisa wu, nwɔma konwɔtiŋ bili ntiŋ na, Kirinŋ i nintiŋ shɛɛli koŋ telimaan a.