Popular Bible Verses from Mabikiri 20

Share

Niŋ ɲaan ki tɛ, míŋ ǹʼji-i ábɛɛ wu tu yi kakan yi i baara ma, nwɔma yi i so ye-i gbɛwɔ kiri tɛ, yi i yi ɲakili tu Ŋuntiŋ ki yɛri ki wɔ wulu bimaan ki ra tu : ‹ Gbɛ wɔ̀ i wɔri ki tan-a, baraka i niŋ nu, ŋì i fwuu gbɛ wɔ̀ i ǹʼmwu-a. › »

Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »

Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu.

Dɔnsaŋ, míŋ i ábɛɛ biye-a Kirinŋ sun, niŋ fa míŋ ǹʼwɔ shɔɔrinŋ wɔ̀ wulu bi-i ábɛɛ tɛ. Ninki a so baraka wɔri-i ábɛɛ tɛ, á i ta jɛŋ bilinabi ki ru, niŋ fa ŋì a tɔnŋ wɔri-i finŋ woo finŋ bira awɔ kiri tɛ, niŋ i ji áwɔ.