Popular Bible Verses from Tesalonikitɔnŋ kiri (2) 2

Share

Á fa ncusun koŋ i á sunnɛɛn ɲaan tɔri tenŋ tɛ kì. Sabu Ŋuntiŋ ki a so na sun, konaŋ kiri ra arì kaan Kirinŋ tɛ sun, niŋ kɔɔtɛ, nwɔ̀ i dɔri-ra tu « Koŋ jɛ ki », ninwɔ̀ bo-i halikirama ki tɛ, niŋ i a yɛri ji.

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Konaŋ kiri i finŋ woo finŋ ji-a arɔɔ kirinŋ kiri i, kí i finŋ woo finŋ gbɛ-ri, niŋ ɲa ki i a yɛri bo-a nini bataa ŋununtiŋ i, fɔ ŋì i a tɔɔn, ŋì i ta sɔɔ Kirinfusinaŋ ki ru, ŋì i ǹʼbi tu afinŋ Kirinŋ i.

Yibɛɛ Ŋuntiŋ Yesu Kirisa, fa yi Tiŋ Kirinŋ wɔ̀ ki yibɛɛ bidi-i a tɛ, ŋì i siratubi fa gbɛbilimaŋ kɔbali wɔri yibɛɛ tɛ awɔ shɔɔrinŋ ki baraka ra, tu nini cunadibi wɔri á tɛ, á i baraka kila, á i bi shɔɔrinŋ ma-ni waarinŋ bataa ru, á mabi kiri fa á bi wulu kiri ra.

Ninki a ncin Kirinŋ niŋ koŋ fɔni sotinbi ki bo na kí sun, nwɔma kí i bili puru ki ra.

Niŋ koŋ jɛ ki a na a yɛri ji shitaanni wɔ sotinbi ki baraka ra. Ŋì i kabakobi kwuru ki bataa fa botɔnsunbi ri fa taanmashɛ ri ma, nwɔ̀ri i koŋ fɔni-na. Ŋì i a na bi kulinŋ kwuru ki bataa ma, nwɔma nwɔ̀ri wuru fɔni saa ki sun, a i nini fɔni. Niŋ konaŋ kiri ra na haliki, sabu sɛli wɔ̀ wuru-ra kí mwu, kí ji niŋ tɛ kì, kí ǹʼbidi arì tɛ kì.

Sabu niŋ li tantɔnŋ juumaan nadumaan ki awɔ baara kiri tɔnpa-i kɔ, ǹʼtu-i dɔnsaŋ, nwɔ̀ i ǹʼnasuu-ra, niŋ i a san ǹʼjɛŋ.