Popular Bible Verses from Korɛntitɔnŋ kiri (2) 12

Share

Nka ŋì i ǹʼnupwulu tu : « Mɔ́ɔ́n shɔɔrinŋ ki a miŋ po, sabu mɔ́ɔ́n sotinbi ki i ja-a mɔɔn baraka kurubi ki ru. » Niŋ ki ra, ǹʼdi-i míŋ tɛ ŋí i ńʼyɛri ragbɛ-ri ńʼwɔ baraka kurubi ki wu, nwɔma Kirisa wɔ sotinbi ki i tu ńʼsun.

Niŋ ki ra, míŋ ciirudimaan yɛ ńʼwɔ baraka kurubi ki ra. A kí ji míŋ ki-a, walima míŋ fɔɔnmaan i ji-i, hali kí ji míŋ cɔɔri-ra woo, walima yɛlinŋ ki ji so míŋ sun Kirisa bi ki ra woo, niŋ fɔn di-i míŋ tɛ, sabu a waaci wɔ̀ ru míŋ baraka ki kuru, míŋ i baraka kila-a niŋ waaci ki ru Kirisa gbɛ.

Hali míŋ ji wuru ǹʼtɛ ŋí i ńʼyɛri ragbɛ, míŋ wuru-ra ji julutiŋ i kì, sabu míŋ wuru-ra wulu tɔri bi sɛli ki kɔɔtɛ kì. Nka míŋ a niŋ ma kì, nwɔma konaŋ ki i míŋ ja-a ɲaan wɔ̀ tɛ, kí i nwɔ̀ rama-ni ńʼbi ki sun, kí fa na míŋ gbɛ fwuu niŋ sun kì. Nwɔma míŋ fa ńʼyɛri ragbɛ Kirinŋ wɔ botɔnsunfinŋ jimaan kari bi wu kì, ŋì cɔɔri bo-i míŋ sun, miŋ tu cii koŋ bu-a a firi ki ru ɲaan wɔ̀ tɛ. Niŋ ji-i miŋ tu Kirinŋ ncusun shitaanni i awɔ cintɔnŋ ki bɛɛ bo na míŋ bwɔ, nwɔma míŋ fa na ńʼyɛri ragbɛ kì.