Popular Bible Verses from Korɛntitɔnŋ kiri (2) 1

Share

Míŋ i coolinŋ wɔri-ra yi Ŋuntiŋ Yesu Kirisa tiŋ Kirinŋ tɛ, ninwɔ̀ i sunmakwulupatɔnŋ i, ŋì i koŋ siratu-ri waarinŋ bataa ru. Mìnki i yibɛɛ siratu-a yɔɔ cɔɔri kiri waaci kiri ru, nwɔma yibɛɛ niŋ siratubi wɔ̀ kila-i Kirinŋ gbɛ, yi i so niŋ sɔɔ yi i kpeeri siratu, nwɔ̀ri i cɔɔri kwuru ki fɔn ru.

Yibɛɛ i cɔɔri-ra ǹʼmwɔɔnna Kirisa bi ki ra ɲaan wɔ̀ tɛ, mìŋ ɲaan tenŋ ki tɛ, yibɛɛ i ǹʼwɔ siratubi ki ja-a yɔɔ ɲaninkulutɔnbi ki ru.

Sɛli ki ra, yibɛɛ bataa wuru ǹʼbi-a tu kí a yibɛɛ kilɛn. Nka niŋ bataa ǹʼji-i yibɛɛ wu, tu yibɛɛ fa yi gbɛ bili yi yɛri ki wɔ so ki sun kì, nka tu yi i ǹʼbili Kirinŋ bantenŋ sun, ninwɔ̀ i konkwuu kiri ŋmɛni-na.

Mìŋ Kirinŋ ki yɛri ki yibɛɛ fa ábɛɛ dɛbɛ-i, ŋì i yi baraka gbɛ Kirisa ra, ŋì i yi ɲaannashi ji awɔ konanbi i, ŋì i awɔ taanshɛ ye yi ra, ŋì i awɔ Ɲiniwɔlinŋ ki bo yi ciiru tɔnŋ kiri ra, niŋ i ǹʼji yi wu tu afinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ pyɛ ki bataa a ɲaan tɛ.

A yibɛɛ ji ɲaanfɛkwulu lu, niŋ ŋuŋ ki i, nwɔma ábɛɛ i siratubi kila, niŋ fa á i á mwu. A yibɛɛ siratubi kila, niŋ i ma-a, nwɔma ábɛɛ i siratubi kila, á i so yibɔɔ cɔɔri kiri bishi ri pa-i á ra.