Popular Bible Verses from Korɛntitɔnŋ kiri (1) 6

Share

Ábɛɛ ǹʼtɔ tu ábɛɛ firi ki Ɲiniwɔlinŋ ki sɔɔmaŋ ki i kì wa? Niŋ Ɲiniwɔlinŋ ki wɔ̀ sɔɔ-ɔ ábɛɛ ciiru, Kirinŋ niŋ wɔri-i ábɛɛ tɛ. Dɔnsaŋ, ábɛɛ á yɛri wɔ kili kì. Sabu Kirinŋ ábɛɛ ŋunsan-i kpaafuru ra, niŋ ki ra, á ǹʼgbɛ á firi kiri wu yɛri rasɔɔbi wu.

Á ǹʼtɔ tu koŋ telibali kiri wɔ lu Kirinŋ wɔ masabi ki ru kì. Á fa á yɛri sunnɛɛn kì : kakaali kiri, nankulinŋ kiri, pɛli tantɔnŋ kiri, shuru maŋ bilitɔnŋ kiri, kwunŋ kiri, gbɛrufuru kiri, lɔrutɛfɛ kiri, kiilinŋ tantɔnŋ kiri, walima daalintiŋ kiri tɔri tenŋ a Kirinŋ wɔ Masabi ki kila kì.

Niŋ ki ra, á bili nankulunbi ki jɛŋ! Konanmini i bijɛ tɔri finŋ woo finŋ ma-a, niŋ bataa i tu-a ntiŋ firi ki kɔɔsun, nka konwɔtiŋ i nankulunbi ki ma-a, nintiŋ i a firi ki yɛkɛ shi-a.

Ǹʼbɛɛ i ǹʼbi-a : « Míŋ a so bi bataa ma-i », sɛli i niŋ i, nka nafan bi bataa ma nu míŋ sun kì : « Míŋ a so bi bataa ma-i », niŋ i sɛli i, nka míŋ a ncusun ŋí i ji finŋ tɔri tenŋ wɔ joŋ i kì.

Kirinŋ Ŋuntiŋ Yesu ki ŋmɛni po san-i konkwuu kiri kanfɛ ɲaan wɔ̀ tɛ, ŋì a na yibɛɛ ŋmɛni mìŋ ɲaan ki tɛ awɔ sotinbi ki baraka ra.