Popular Bible Verses from Roma 11

Share

Tanba buat hotu-hotu iha lalehan ho rai mai hosi Nia i ba Nia, i sei iha nafatin tanba Nia, Buat hotu-hotu iha hodi hahii Nia. Mai ita foti aas Nia naran too tinan ba tinan. Amen.

Nai Maromak nia matenek klean liu, Nia komprende hosi huun too rohan. La iha ema ida mak bele komprende Nia desizaun, la iha ema ida mak bele hanoin hetan Nia dalan.

See mak bele hatene Maromak nia hanoin? See mak iha kbiit hodi foo konselhu ba Nia?

Nunee mos agora, sei iha ema Israel balu nebee tuir Maromak nafatin; sira nee Maromak hili ona tanba Nia grasa. Nia hili sira tanba deit Nia grasa, laos tanba sira hahalok diak. Se Maromak hili ema bazeia ba sira nia hahalok diak, entaun bele dehan nee laos ona grasa.

Ita mos bele kompara ema Judeu ho ai oliveira nebee ema kuda iha toos laran. Maromak tesi sai tiha ona ai nee nia sanak balu. Maibee imi nebee mak laos Judeu, imi hanesan ai oliveira nebee mesak moris nia sanak nebee Maromak tesi hodi ba taka iha ai huun hakiak nee. Nunee imi mak sanak hosi ai huun nebee mesak moris no hetan moris hosi ai huun hakiak nee. Maibee la bele foti aan dehan, imi mak diak liu fali sanak nebee Maromak tesi soe tiha ona nee! Keta haluha, imi nee ai sanak deit! Laos sanak mak hametin ai huun. Maibee ai nee nia huun mak halo metin nia sanak.