Popular Bible Verses from Mateus 17

Share

Jesus hataan, “Tanba imi nia fiar fraku. Hau dehan loloos ba imi, se imi nia fiar kiik-oan deit hanesan ai musan kiik oan ida mos, imi bele foo orden ba foho ida dehan ‘Muda hosi nee, baa iha nebaa.’ I foho nee sei muda duni. La iha buat ida nebee imi la bele halo.

Pedro sei koalia hela nunee, derepenti kalohan nabilan ida tuun mai falun tiha sira. I lian ida sai hosi kalohan nee dehan, “Ida nee Hau nia Oan doben. Nia halo Hau nia laran haksolok teb-tebes. Imi tenki rona Nia!”

Jesus siak sira hotu dehan, “Imi nee jerasaun nebee la fiar ba Maromak i sempre halo aat. Hau tenki hela ho imi too bainhira tan? Hau tenki pasiensia ho imi too iha nebee? Lori labarik nee mai.” Depois Jesus foo orden makaas ba espiritu aat nee. Entaun espiritu aat mos sai hosi labarik nee, i labarik nee diak kedas.