Popular Bible Verses from Yohanna 15

Share

Naw, intə megezlembirke, munokumtə kivani. Ɗəf dəsan addəvu va nəsaw addəvən nan wawə diyɗa, vi tay məs kədawɓap əɗɗaŋ məza in ɓa ɓa.

Məssoŋ addəvu va nəsaw addəvkum. Vaska'e kivan an dəsap aza megezlembirke ɓa, aɓap na uwa sən kiyən ɓa. Nokum vaski an kəsapaŋ də in ɓa.

An mənokum tat addəvwa, əpel naw tay addəvkum, məssõh an kəŋglaŋ pakə, wagəɗ sukum.

Munokum kəwelwən ɓa, in nəwelkum, nəɗikum kəddoŋgən vi kuwaŋgəni, uwa nokum dəsangəni, vi Afən dəpsukumgən an kədassohoŋ avan də iya naw pakə.

Əŋgla tay mədayki va ɗəf dəpan zeŋgilen viyit bayneŋgiɗin ɓa.

Kivan məs dəsap azaw pak, an awa ɓa, wabəla. Ya kivan məzuwa, wazaɓani vi dəwəgən diyɗa dayki lahəŋka.

Aŋki an məs nəɗiyə, məŋglu zukum va nəŋglukum.

Addəv aŋki adawgagdakanən Əbba, an mənokum tat uwa diyɗa gəm an kəkkpaŋgək gewleɗ nawa.

Yesu amna: Naw megezlembirke an moggon nani, Əbba yi afən guli net megezlembirkeɗi.

An ɗəf tay addəvu ɓa, məzgani a gizbe va kivani, waŋkələ. Kawndeti, kawndolti aka offo, dəzlaŋgəni.

Nənah sukum wənəs na vi ənnek naw dəsangən addəvkum, ənnek nokum tamə dəknahgəni.

An kərmanənək an nəɗi naɗɗa, wakəssoŋ addəv əŋgla nawa, va naw nərma an Əbba aɗi naɗɗa, nəsaw addəv əŋgla nani.

An nədawɗi sukum na, məŋglu zukum.

Va ɗiy na dələv kənanaŋ na, dələv waŋglu ɗiy na vawrayən. Ya adan səka dələv kəzzoŋ ɓa, nəwelkumuk səddəv dəlva, sən aski dələv adawzelkum.