Popular Bible Verses from Vagaratiya 5

Share

Asi michero yo Mweya iri: Rudo, kudakara, kunyarara, kusengerera, nyasha, kunaka, kugondeka, kupfava, kujibata; akuna mupango inorwisana no zvakadari.

Asi ndinoti: Fambanyi ngo Mweya, nemwi amuzoiti kuemura kwo nyama.

Kudari techipona ndi Mweya, ngatifambezve ndi Mweya.

Naavo vari va Kristu vakakohomera nyama pamwepo no kudisisa kuemura kwayo.

Zvino mishando yo nyama inovoneka pambhene, ndiyo iyi: Kuomba, kusikasukiki, kuemura, kudira muezaniso, uroi, kunyenya, hasha, chishatihwa, ushungu, kujida, kuparajana, kujijisa zvakasiyana, thima, kurejera, kushadaya, kuhisa no zvakadaro: Ndinomupanga kudari ngo zvo ndakamupanga ngo pamberi, kuti avo vanoyita zvakadaro avazogari ndhaka yo Umambo hwa Mwari.

Ngokuti imwimwi, hama, mwakadanijwa kuti muite vakasununguka; kwega musashandisa kusununguka kwenyu kutendera kupa kuyita zvo nyama, asi ngo rudo shandirananyi umwe kuno umweni.

Ngokuti nyama inoemura kurwisana no Mweya, no Mweya unorwisana no nyama; ngokuti izvi zvinovengana chimwe no chimweni; kuti amungaiti izvo zvomunoda.

Ngokuti mipango yese inozajiswa ngo izwi rimwe, rinoti: Unozomuda muvakihwana wako kudari ngo kujida kwako iwewe.

Tisajikuja, nokuti kutshenekerana, nokuti kuitirana thima.

Ndizvo imanyi ngo kugwinya mukusununguka kwaakatisunungura ndikwo Kristu, muchazosungwazve kanga yo uhloko.