Popular Bible Verses from I Vakorinte 13

Share

Rudo runosengerera mukuvo wakareba, rudo rune nyasha; rudo aruna ndurumwa; rudo arujiganzisi, rudo arujitundhumaji, aruiti zvisikasisiri, arujipshakiri zvarwo, arutseneswi, aruvereketi zvakashata.

Runodumaija zviro zvese, runotenda zvese, runogondera zvese, runoshingirira zvese.

Arudakari ngo zvisikazivi kururama, asi runodakara ngo zvo gwinyiso.

Asi zvino zvinogara kugonda, no kutenda, no rudo, izvi zvitatu; asi chikuru chazvo chiri rudo.

Rudo arukoreri; asi kunyaripo kuprofeta kunozoita kusina shwiro; kunyaripo kuvereketa ngo ndimi, jinozonyarara; kunyaripo kuziva kunozoita kusina shwiro.

Pikija ndikanyavereketa ngo ndimi jo vandhu, no jo ngirosi, asi ndisina rudo, ndiri thusi rinoita bope, nokuti ngoma yo simbi inorira.

Nokudari ndinokuprofeta, ndikaziva zvakafishika zvese, no kuziva kwese; nokudari ndinokugonda kwese, kunokwana kubvisa matundhu, asi ndisina rudo, andiripi chiro akadi.

Pikija ndikapa ndhumbi jangu jese kukovera varombo, nokuti ndikapa muviri kupiswa, asi ndisina rudo azvindibeseri chiro.

Apo ndichiri mwana mudoko, ndakavereketa kudari ngo mwana mudoko, ndakaziva kudari ngo mwana mudoko, ndakapinimija kudari ngo mwana mudoko; apo ndaa mundhu wakura, ndarasha zvo uhwana.