Popular Bible Verses from ROMANOS 8

Share

Amale niyꞌxet qꞌuixcꞌaj kuꞌn, pero ktzkiꞌn nakꞌanan Dios tiꞌj cykil qꞌuixcꞌaj n-oc kiꞌj, tuꞌntzen cyajben te onbil ke, ejooꞌj n-oc takꞌ Dios ke. Ncawen Dios tibaj cykilca nbaj, tuꞌntzen at jun baꞌn te ke, ejooꞌj at tuꞌn kpon tuj j-o baj tnincꞌuꞌn Dios tiꞌj te ke.

Tuj nwitza jaxte mintiiꞌ jun baꞌn tuꞌn tcaman kiꞌj tuꞌn kel pax tuya Dios. Cyamecyle, bix cykilcaj tikꞌch nbaj kiꞌj tuj kchunkꞌlal, ke tsanjel Diosle, ke bimanle, ke cawel-le, jtikꞌch nbaj kiꞌj jaꞌlewe, bix jpjel kiꞌj nchiꞌj, mi nuk ejeeꞌj eteꞌ jawne, bix mi nuk ejeeꞌj eteꞌ cubne, bix nuk alcyexja o bint tuꞌn Dios, mlay bint cyuꞌn tuꞌn tweꞌ tkꞌakꞌbil tcꞌuꞌj Dios kiꞌj tuꞌn Kaaw Jesucristo.

Tisexsen kpasensya n-onen kiꞌj tuꞌn tiyꞌx qꞌuixcꞌaj kuꞌn, jax juꞌx n-onen Espíritu Santo kiꞌj tuꞌn tiyꞌx qꞌuixcꞌaj kuꞌn. Min ktzkiꞌn alcyej onbil cxeꞌl kkanen te Dios tuꞌn tiyꞌx qꞌuixcꞌaj kuꞌn, pero Espíritu Santo nnaꞌn Dios kiꞌj cyuya yol min cnet kuꞌn.

¿Tiiꞌntzen tuj cywitza ja yol lu? Cuma o baj tnincꞌuꞌn Dios cykilcaj lu te ke, ¿pjelpatzen kcꞌuꞌj oj nchi kꞌojl xjal kiꞌj? Min. Mlay chi xcye kiꞌj, cuma Dios n-onen kiꞌj.

Pero yaaꞌn etoꞌtl tjakꞌ tcawbil il, cuma at kmojbabl kiib tuya Cristo Jesús. Ya min koꞌxtl tuj castiwa

Ja tzunkej xjal nuk ncheꞌx lpe tiꞌj ti taj cynaabl aj il, chi xeꞌltzen tuj cyamecy. Ja tzunkej nchi jyon ti taj Espíritu Santo, attzen cychunkꞌlal te junx maj bix eteꞌ tuj ttz̈yal.

Pero amale niyꞌxet qꞌuixcꞌaj kuꞌn, pero ko camal te junx maj tibaj cykilca nbaj kiꞌj. Ko camal tuꞌn Cristo, jaj xjal n-oc kakꞌ te.

Pero amale niyꞌxet qꞌuixcꞌaj kuꞌn, pero tuj nwitza kej qꞌuixcꞌaj te jaꞌlewe yaaꞌn nimxix twitzj jawnex chojbil ctkꞌaꞌ Dios te cyxel laꞌ alcye jun kꞌij.

Jnbaj kiꞌj, ¿tzimpa tyeecꞌan ka min tzꞌoctl kakꞌ te Cristo? ¡Min! Oj niyꞌx qꞌuixcꞌaj kuꞌn, oj nbaj kcꞌuꞌj, oj n-el cyiiqꞌuen xjal ejooꞌ bix nchi oc lpe kiꞌj te tzyulte ke, oj at takꞌ weyaj ke, oj mintiiꞌtl chꞌin kxbalen, bix oj at nim seyꞌpajlenel kiꞌj, bix oj cyaj xjal tuꞌn kcub byet, t-xol entera kej lu min tzin tyeecꞌa nweꞌ tkꞌakꞌbil tcꞌuꞌj Cristo kiꞌj.

Iyꞌnen tilbil Dios tiꞌj alcye niyꞌ tuj kcꞌuꞌj, bix n-el tniyꞌxin tiꞌj ti toc tuꞌn Espíritu Santo oj nnaꞌn Dios kiꞌj, cuma jnnaꞌn Espíritu Santo Dios kiꞌj, junx taꞌ tuyaj taj Dios te ke.

At kchunkꞌlal te junx maj cuma tcwal Dios koꞌ. Kej ncheꞌx lpe tiꞌ Espíritu Santo, ejeeꞌtzen tcwal Diosja.

Ja tzunkej xjal eteꞌ tjakꞌ tcawbil ootxa cynaabl, nuktzen jaj ti taj cyxumlal ncub cybisen. Ja tzunkej xjal eteꞌ tjakꞌ tcawbil Espíritu Santo, ncubtzen cybisen tiꞌj ti taj Espíritu Santo.

Yaaꞌn ẍpiẍ Dios te ke, sino e tzaj tkꞌoꞌnxin Tcwalxin te ke tuꞌn tcyim te kxel cykilca koꞌ. Cuma o tzaj tkꞌoꞌnxin Tcwalxin te ke, juꞌ tzunj jaxte ctzaal tkꞌoꞌnxin cykilcatl xtalbil te ke.

Nxiꞌ kkbaꞌn juꞌwa cuma jax Espíritu Santo tzin tkbaꞌn tuj kanem tcwal Dios koꞌ. Cuma tcwal Dios koꞌ, ckiikꞌeltzen kkab te Dios, cuma ja tzunxin Kman. Bix ckiikꞌel kkab tuya Cristo, cuma niyꞌx qꞌuixcꞌaj kuꞌn tiꞌjxin, tisenx texin iyꞌx qꞌuixcꞌaj tuꞌnxin nejl. Ka etoꞌ tuyaxin amale niyꞌxet qꞌuixcꞌaj kuꞌn tuꞌn tlajxin, ko temeltzen tuyaxin oj tiikꞌen texin jawnex tkabxin.

Jknaabl aj il n-el tiiqꞌuen Dios. Tcyꞌi knaabl aj il tniman tley Dios, bix mintiiꞌ tipemal tuꞌn tbint tuꞌn.

Tuj tzunj kꞌij oj cyiikꞌente tcwal Dios cykab, cpomel baj twiꞌ cykilca qꞌuixcꞌaj twitz txꞌotxꞌ. Juꞌ tzunj, cykilca kej tbinche Dios nchi ayon tuya cykil cycꞌuꞌj alcyej kꞌij tzul.

Jqꞌuixcꞌaj niyꞌx tuꞌn entera twitz txꞌotxꞌ jaꞌlewe tisen tchyonel tal jun xuuj. Niyꞌx tchyonel tuꞌn, pero tkꞌaꞌ jun tal. Juꞌx xsunj cykilca e bint tuꞌn Dios. At tuj tchyonel jaꞌlewe, pero nchi ayon tiꞌj baꞌn tzul.