Popular Bible Verses from ROMANOS 12

Share

Miꞌn cheꞌx lpey tiꞌ tnaabl te twitz txꞌotxꞌ, sino juꞌ chi xeꞌl lpey tiꞌ jun cynaabla acꞌaj, tuꞌntzen cychꞌixpeta, tuꞌntzen tel cyniꞌya tiꞌj tajbil Dios, baꞌn bix tzꞌaklxix.

Key hermano, o ko oc ttanem Dios tuꞌnj tkꞌakꞌbil tcꞌuꞌjxin kiꞌj. Juꞌ tzunj, nchin cubsana nwitza cyey tuꞌn t-xiꞌ cykꞌoꞌna cyxumlala te Dios tuꞌn tajben texin tisen jun oybil iꞌtz. Chi ajbena te Dios tuya jun cyanema sakxix bix tuya jun cychunkꞌlala baꞌn twitzxin. Ka ma bint cyuꞌna juꞌwa, juꞌtzen cjawel cynimsaꞌna Dios tuya cykil cycꞌuꞌja.

Chi ayona tuya tzalajebl tiꞌj o cyaj tkbaꞌn Dios ke. Qꞌuiyax qꞌuixcꞌaj cyuꞌna. Tuj cykil tyem cynaꞌnxa Dios.

Katzen junx ma chi ela kaꞌx t-xel cyuꞌna, jaxsen kaꞌ otk caman cyibaja. Mas baꞌn tuꞌn tbint jun baꞌn cyuꞌna tej xjal tzin tbinchan jun kaꞌ cyiꞌja.

Cyonenx cyiiba cyxola tuya tkꞌakꞌbil cycꞌuꞌja, cuma ocslalkey. Cybiꞌy juntl ocslal cyuyey.

Kꞌakꞌenc cycꞌuꞌja tiꞌ cyuyey tuya cykil cycꞌuꞌja, yaaꞌn nuk ten cyuꞌna. Cyxomel jkaꞌ nbint cyuꞌn, pero jaj baꞌn cꞌoquel takꞌ cyey.

Cꞌoquel cyipena tiꞌj tuꞌn cytena tuj ttz̈yal tuya cykil xjal. Miꞌn chi cyakwusana jun kꞌoj.

Key hermano n-oc cyakꞌa weya, miꞌn xeꞌlen jun kaꞌ cyuꞌna ka ma tzꞌoc bint jun kaꞌ cyiꞌja cyuꞌn xjal. Cykꞌonx te Dios tuꞌntzen ja Dios ckꞌolte cycastiwa. Tzin tkbaꞌn Dios tuj tyol cyjulu: “Nuk inayena at woclena tuꞌn nkꞌonte castiwa te t-xel jkaꞌ nbint cyuꞌn xjal. Inayen weya taaw tuꞌn nkꞌonteya t-xel,” tz̈i Dios.

Chi ajbena te Kaaw tuya cykil cycꞌuꞌja. Seyꞌx chi oqueley tuj taakꞌenxin, yaaꞌn alkey.

Cuma o takꞌ Dios woclena tuꞌn t-xiꞌ nkꞌumena tyolxin, juꞌ tzunj cxeꞌl nkꞌoꞌna te jaca juun cyey jun xnakꞌtzbil. Miꞌn cub cybisena ka mas nchi ajbena cywitz ke cyuyey, sino cꞌaaltz tiꞌ cynaabla, cuma o tzaj tkꞌoꞌn Dios cyaakꞌena te cykilcakey tuꞌn cyajbena cye ocslal, yaaꞌn tuꞌn cyoca te mas jawnex.

Ka ma tzꞌoc bint jun kaꞌ cyiꞌja, miꞌn xeꞌlen cyuꞌna. Ja cyeja cbinel cyuꞌn jaj jun baꞌn tuj cywitz cykil xjal.

Cykꞌonx jun baꞌn te cyuyey, tisenx nchi jyon cyey jun baꞌn te cyey. Miꞌn jaw cynima cyiiba, sino ctemel cynaabla tuya cykilca xjal ajnintz cynaabl. Miꞌn cub cybisena mas baꞌn cyuꞌna.

Juꞌ tzunj, ka nkꞌojl jun xjal cyiꞌja, bix ka ncyim tuꞌn weyaj, cykꞌonx twa. Bix ka ncyim tuꞌn aꞌ, cykꞌonx tcꞌaꞌ. Ka nbint cyuꞌna juꞌwa te te, tzultzen tchꞌixew tuj tcꞌuꞌj.

Ka at jun xjal n-oc yasente cyey, cykanenx te Dios tuꞌn tkꞌonte jun baꞌn te te. Miꞌn txiꞌ cykanena tcastiwa te Dios. Ka at jun ntzalaj, chi tzalaja tuya. Ka at jun nbisen, chi okꞌa tuya.

Cxeꞌl cyonena kej ocslal at il cyiꞌj. Ka taj jun xjal posadayin bix ka taj chꞌin twa, cxeꞌl cykꞌoꞌna.

Cxeꞌl nkbaꞌna jun tumel cyey te yecꞌbil amale nimet kbaj, pero junx koꞌ. At nim iken tuꞌn kxumlal, bix cykilcaj iken tuꞌn kxumlal at taakꞌen. Pero junx xumlalbaj elnina. Juꞌ japenina ejooꞌ ocslal. Nim kbaj, bix jaca juun ke at taakꞌen, pero tuꞌnj kmojbabl kiib tuya Cristo, junx elnina koꞌ.