Popular Bible Verses from APOCALIPSIS 22

Share

Inayena tuj tneel bix mancꞌbil, t-xeeꞌ tneel bix bajsbil, tisen kej letra A bix Z.

Ma txiꞌ tkbaꞌn Cristo cyjulu: “Jeyꞌ, chin ul meltzꞌaj naja. Bix tzul wiiꞌna chojbil te teeylex juun laꞌ alcyej xbint tuꞌn.

Tzin tkbaꞌn Espíritu Santo tuyax cykilca ocslal, jt-xuꞌl Jtal Carnel, cyej xjal yaaꞌn ocslal: “Cytzaja.” Bix kej xjal n-oc cybiꞌn ja yol lu, chi tzajxit. Chi tzajxit kej xjal at cyajbil tuꞌn cycꞌan j-aꞌ te chunkꞌlal te junx maj. Chi cꞌanxit. Mintiiꞌ twiꞌ.

At t-xtalbil Dios cyibaj kej xjal n-el cytxjoꞌn tiꞌj cyxbalen, tuꞌntzen at cyoclen tiꞌj twitzj tzeeꞌ te chunkꞌlal te junx maj, bix tuꞌn cyocx ttzi pwertel te tnom.

Ma txiꞌ tkbaꞌn Jesucristo: “Chin ul naja,” tz̈i. At t-xtalbil Dios cyibaj kej xjal nxiꞌ cyniman kej yol ma cub ttzꞌiꞌbena tuj uꞌj―tz̈i ángel weya.

Mintiiꞌtl koniyan. Bix mintiiꞌtl il tiꞌj tuꞌn cyajben cantil bix kꞌij cye xjal, cuma jax Kman Dios ctemel tuꞌn tkꞌon spiꞌyen cye xjal. Bix chi cawel xjal tuya Dios te junx maj.

Jxjal ma tzaj tkꞌoꞌn kej yol tzꞌiꞌben tuj ja uꞌj lu, ja Jesús, tzin tkbaꞌn: “Chin ul meltzꞌaj naja.” Juꞌxit ttena. Ctzaja, Kaaw Jesús. Tenxittzen t-xtalbil Kaaw Jesucristo tibaj cykilcakey. Oꞌcx nyolja.

Cxeꞌl nkbaꞌna cyej xjal nxiꞌ cybiꞌn kej tyol Dios ma cub ntzꞌiꞌbena tuj ja uꞌj lu, ka at jun xjal ma tzꞌoc kꞌoꞌn mi nuk juntl yol tibaj jyol tzꞌiꞌben tuj ja uꞌja, ctzaal tkꞌoꞌn Dios te kej xitbil tzꞌiꞌben tuj ja uꞌj lu. Bix ka at jun xjal ma tzꞌel kꞌinte mi nuk jun tyol Dios tzꞌiꞌben tuj ja uꞌj lu, qꞌueleltzen tiiꞌn Dios toclen tiꞌj jtzeeꞌ te chunkꞌlal te junx maj, bix mintiiꞌtl toclen tuꞌn tocx tuj nintzaj tnom xjan.