Popular Bible Verses from APOCALIPSIS 19

Share

Ko tzalajxix bix ko tenx aleyre bix ko nimsal ja Dios, cuma ma pon tumel tuꞌn tten Jtal Carnel, ja Jesús, cyuya t-xjal. Ma bint cyten t-xjal, tisen oj nbint tten jun xuuj tuꞌn tmaje tuya tchmil.

Bix tzꞌiꞌben tiꞌj tcux-xin bix tiꞌj t-xbalenxin, jatzen tbi jlu: Rey tibaj cykilca rey bix Cawel tibaj cykilca cawel.

Tbajlenxitltzen jlu, e wila tej tjket twitz cyaꞌj. Bix e wila jun tz̈ej sak, bix tjax tibaj tz̈ej jxjal jaxxix bix njapan tyol tuꞌn. Tuj tumelxix ncawen, bix jiquenxix tkꞌoj cyiꞌj aj kꞌoj tiꞌj.

Ke tbakꞌ twitz tisen tken kꞌakꞌ, bix tjax nim corona tuj twiꞌ. Bix tzꞌiꞌben jun biybaj tiꞌj. Min-al jun xjal n-el tniyꞌ tiꞌj biybaj, nuk oꞌcx jaxin. Bix toc jun t-xbalen otk cuꞌx meꞌt tuj tz̈iyꞌ, bix Tyol Dios tbi.

Bix n-etz jun machet binne tten tuj ttzixin, tuꞌntzen tajben texin tuꞌn t-xiꞌ tkꞌoꞌnxin castiwa cye tnom. Ccawelxin cyibaj tuya nim tipemalxin, tisenj jun cylel ncylen cyiꞌ carnel tuya jun bardón cyiw. Cwel tkꞌoꞌnxin tcastiwa binne tuꞌn Dios at cykilca tipemal, tisen oj nbaj waꞌbet uva tuj ttemlel uva.

Bix e tzyetjil jil tuyax tyolel ẍtakꞌ otk yeecꞌan tipemal twitzjil tuꞌntzen tsbun cye xjal, ejeeꞌj otk cyiikꞌ techeljil tuj cyxumlal bix otk chi nimsan tsantjil. Cycaꞌbel jlu e cuꞌx xeꞌtke iꞌtzke tuj tnijabel kꞌakꞌ te azufre.