Popular Bible Verses from APOCALIPSIS 17

Share

Kej cawel lu chi kꞌojlel tiꞌj Tal Carnel. Pero cwel cyiꞌj tuꞌnj Tal Carnel, cuma jatzen Cawel cyibaj cykil cawel bix Rey cyibaj cykil rey. Bix tuyaj Tal Carnel oj tcub cyiꞌj tuꞌn, eteꞌ kej t-xjal Dios min e cyaj cykꞌoꞌn cyocslabl tiꞌjxin―tz̈i ángel weya.

Bix ul wuyena jun cyej wuuk ángel cyxol kej kꞌiꞌn wuuk lak cyuꞌn, bix e tzaj tkbaꞌn weya: —Juꞌ tzaja tzalu. Cxeꞌl nyeecꞌana tey jcastiwa cwel tibaj jxuuj aj paj, jxuuj kꞌukl cyibaj nim aꞌ.

Jjil e tila, jatzenj jil e ten nejl pero mintiiꞌtl jaꞌlewe. Chꞌixcꞌa tpon tumel tuꞌn tjatz tuj jul mintiiꞌ tumel t-xeeꞌ bix tuꞌn t-xiꞌjil tuj il te junx maj. Yaltzen kej xjal twitz txꞌotxꞌ, kej yaaꞌn tzꞌiꞌben cybi jatxe tej tbint twitz txꞌotxꞌ tuj uꞌj te chunkꞌlal te junx maj, chi jawel kleeꞌ oj toc cycyeꞌyen jajil, cuma e tenjil pero min-altljil bix tzuljil juntl maj.

Tzꞌiꞌben jun biybaj tibaj twitzxuj, pero jun biybaj mintiiꞌ tumel ti japenina. Tz̈i cyjulu: “Jnintzaj tnom Babilonia, jaaꞌ taꞌ cytxu aj paj, bix jaaꞌ n-itzꞌja kej kaꞌ nbint twitz txꞌotxꞌ.”