Popular Bible Verses from FILIPENSES 4

Share

Juꞌ tzunj miꞌn baj cycꞌuꞌja tiꞌj ti pjel cyey. Ka at jun il eteꞌy, cykanenx te Dios. Pero tuj cykilca nbaj cyiꞌja, cykꞌonx chjonte te Dios tiꞌj tuj cyanema.

Ka nbint cyuꞌna juꞌwa, a ttz̈yal ctemel cyanema, bix cynaabla qꞌuelel junx tuya tnaabl Cristo Jesús. Nintzajxsen ja tzunj ttz̈yal tzin tkꞌoꞌn Dios cyey tuꞌn tel cyajkelbila tuj cyanema.

Mancꞌbiltzen nyola te cyey hermano, jaj tuꞌn t-xiꞌ cyjyoꞌna alcyej jaxxix bix cykilcaj baꞌn tuꞌn tnimj. Cwel cybisena tiꞌj alcyej jiquen bix sakxix bix baꞌn. Bix cwel cybisena jun baꞌn te juntl cyuyey. Bix cwel cybisena tiꞌj alcyej jawnex bix ti tten tuꞌn tjaw cynimsaꞌna Dios.

Cykilca qꞌuiyax wuꞌna, cuma ja Cristo n-onen te weya. Jaxin ntzaj kꞌonte wipemala.

Chi tzalajaxita cykilcakey tiꞌj Kaaw. Bix juntl maj nxiꞌ nkꞌumena cyey, ¡chi tzalaja!

Juꞌ tzunj cchjolte Dios nim t-xel cyey. Jaxin kꞌolte cykil il tiꞌj te cyey, cuma texin nimxsen tkꞌinemalxin at, bix tuꞌn kmojbabl kiib tuya Cristo Jesús, Dios ntzaj kꞌonte ke.

Juꞌtzen tzin nseꞌn weya bix juꞌtzen nxaꞌ nkꞌumena. Cyiiꞌnxa ti tten nbint wuꞌna bix alcye o cyxnakꞌtzay wiꞌja, bix ka nbint cyuꞌna juꞌwa, chi temela tuj ttz̈yal tzin tkꞌoꞌn Dios.

Tuꞌn tchicꞌajax jun baꞌn cynaabla cywitz cykil xjal. At Kaaw nka te onlte ke.

Niyꞌx wuꞌna ka at nim witzꞌjela bix ka mintiiꞌ, ka nojne ncꞌuꞌja bix ka towl. Bix nuk tiꞌxja baj wiꞌja, seya mebe kena bix ka kꞌina kena, pero tuj txubtx ntiina.

Pero min tzin nkbaꞌna at palt te witzꞌjela. Ma chin nikꞌeta tuꞌn ntzalaja ka at npwaka bix ka mintiiꞌ npwaka.