Popular Bible Verses from SANTIAGO 4

Share

Juꞌ tzunj, miꞌn chi nimana tajbil taaw il, sino cykꞌonx cyiiba tjakꞌ tcawbil Dios. Ka ma chi weꞌxixa twitz taaw il, qꞌueleltzen lkꞌe cyiꞌja.

Ka ma chi tzaj lkꞌey tiꞌ Dios, jax ctzaal lkꞌe cyuyey. Key ma chi binchan il, miꞌn tzꞌajbentl cykꞌaba tuꞌn tbint mas kaꞌ tuꞌn. Bix key at caꞌba twiꞌ cyanem, miꞌn cheꞌx lpey tiꞌj tikꞌch at twitz txꞌotxꞌ. Cytxjoma cyanema.

Ka ma tzꞌoc cykꞌon cyiiba te chꞌin twitz Dios, ctzaaltzen tkꞌoꞌnxin cyey tuꞌn cyoca te nim.

Bix at mas tipemal Dios twitzj tipemal knaabl aj il, bix taj Dios ko tzaj tonen. Juꞌ tzunj, tzin tkbaꞌn tyol Dios cyjulu: “At tkꞌoj Dios cyiꞌj ke xjal nuk nbaj cyniman cyiib, pero kej xjal n-oc cykꞌon cyiib te chꞌin, tzin tkꞌoꞌn Dios t-xtalbil cye,” tz̈i tyol Dios.

Juꞌ tzunj, n-el cyniꞌya tiꞌj alcyej baꞌn tuꞌn tbint cyuꞌna, bix ka min ma bint cyuꞌna, attzen cyila tiꞌj.

Oj nchi naꞌna Dios, min txiꞌ cykanena texin ti tten tuꞌn cyajbena texin. Nuk nchi kꞌumena texin ti cyaja. Juꞌ tzunj, mintiiꞌ ma kꞌoj cyey.

Oj cyaja nuk cyexa cyajbila bix yaaꞌnj te Dios, juꞌ key tisen jun xuuj at tchmil pero nxiꞌ ttziyan juntl xinak. ¿Mimpa tzꞌel cyniꞌya tiꞌj ka ma pon cycꞌuꞌja nuk tiꞌj tikꞌch at twitz txꞌotxꞌ, nchi kꞌojl tzuna tiꞌ Dios? Juꞌ tzunj, alcyej xjal taj tuꞌn t-xiꞌ lpe tiꞌj tikꞌch at twitz txꞌotxꞌ, n-oc tkꞌon tiib te aj kꞌoj tiꞌ Dios.

Pero mintiiꞌ tumel cyuyey ti pjel tuj cychunkꞌlala nchiꞌj. Jkchunkꞌlal tisen chꞌin muj tuj nuk jun rato n-el naj.