Popular Bible Verses from SANTIAGO 1

Share

Key ocslal, ka ma tzaj pena bix qꞌuixcꞌaj bix jun kaꞌ cyiꞌja, miꞌn chi bisena, sino chi tzalaja, cuma cytzkiꞌna ka ma tziyꞌx kej qꞌuixcꞌaj lu cyuꞌna, nchi ajbentzen tuꞌn tcywix cyocslabla tiꞌ Cristo, bix ctemel mas cypasensyey.

Katzen at jun xjal cyxola ka at-x taj tnaabl tiꞌ, kanenx te Dios, bix ctzaal tkꞌoꞌn Dios tnaablxin, cuma taj Dios tuꞌn ttzaj tkꞌoꞌn nim baꞌn cye xjal. Min tzꞌoc ilen Dios kiꞌj oj nko kanen texin.

Key ocslal n-oc cyakꞌa weya, cybiꞌnc ja yol lu. Mas baꞌn tuꞌn t-xiꞌ cybiꞌna tyol Dios twitzj tuꞌn t-xiꞌ cykbaꞌna nuk cyexa cyyola. Bix miꞌn chi jaw kꞌojl naja

Iltzen tiꞌj tuꞌn tten cypasensyey, tuꞌntzen tzꞌakl cynaabla, tuꞌn mintiiꞌ palt cyey tuj cyocslabla.

Il tiꞌj tuꞌn tbint tyolxin cyuꞌna, cuma ka nuk ma tzꞌoc cybiꞌna tyolxin pero min cybiy, ncubtzen cysbun cyiiba juꞌwa.

Cyꞌiwlaꞌn taꞌ jxjal min cyaj tkꞌoꞌn tocslabl tiꞌ Cristo oj n-oc qꞌuixcꞌaj tiꞌj, cuma ka ma tziyꞌx qꞌuixcꞌaj tuꞌn, ckꞌojeltzen tcotz, jaj tchunkꞌlal te junx maj o tkba Dios te cyej xjal n-oc takꞌ cye.

cuma nuk jaj cotz baꞌn bix nuk jaj tbanelxix tzin tkꞌoꞌn Kman Dios tuj cyaꞌj ke. Jkꞌij bix xjaw bix ke cheꞌw e tbinchaxin, nchi bet jaca hora, bix nchꞌixpet xlequen tzin cykꞌoꞌn. Pero te Dios, min tchꞌixpu tnaabl.

Alcyej xjal nuk nxiꞌ tbiꞌn tyol Dios pero min bint tuꞌn, juꞌtzen tisen jun xjal n-ocx tcyeꞌyen twitz tuj jun respej. Oj tbaj tcyeꞌyen twitz, nxiꞌtzen, bix n-el tuj tcꞌuꞌj tiiꞌn tcyeꞌnc.

Chi elela baꞌn tuj twitz Kman Dios ka ma chi onena cyiꞌj neeꞌ mebe bix cyiꞌj xuuj viuda oj n-oc pena cyiꞌj, bix ka ma cytzuy cyiiba twitz il tzalu twitz txꞌotxꞌ.

Katzen at jun xjal n-oc niyꞌbebl tiꞌj tuꞌn tbint jun kaꞌ tuꞌn, miꞌn txiꞌ tkbaꞌn ka ja Dios ma tzꞌoc cyakwusante tuꞌn tbint jyaaꞌn baꞌn tuꞌn, cuma tcyꞌi te Dios tuꞌn tbinchante jun kaꞌ, bix bajx tzaaꞌ tkꞌoꞌnxin jun yol te jun xjal tuꞌn tbint jun kaꞌ tuꞌn. Tiꞌjx tnaabl xjal n-el itzꞌj niyꞌbebl te, cuma npon tcꞌuꞌj xjal tiꞌj tajbil tnaabl aj il, bix nsbuj tuꞌn.

Yal kej ocslal mebe, tuꞌn cytzalaj, cuma ma kꞌoj jawnex cyoclen tuꞌn tiyꞌx qꞌuixcꞌaj cyuꞌn tisen iyꞌx tuꞌn Cristo.